Adlennet eo bet ar bajenn-mañ
» Er vered, pa ’z i war ma be,
» Evid da vamm ped stard Doue ;
» Eur pok d’id c’hoaz a-rok mervel,
» Ar pok diveza, ma bugel !
» Eur pok d’id c’hoaz gant ma daelo,
» Ma mab, kenavo, kenavo !
» Dalc’h mad da feiz da dadou koz,
» Ha kenavo er Baradoz ! »
Minored paour, na ouelit ket !
Doue a vev al laboused,
Doue, bara d’hoc’h a roio,
N’oc’h-hu ket he vugaligo ?
Pried kez, sec’hit ho taelo,
Mamm ho pugel n’eo ket maro ;
Dirak tron ar Werc’hez Vari,
Evid-hoc’h e-ma o pedi.
Ha c’houi, tud paour war ann douar,
A-viskoaz er boan, er glac’har,
Er Baradoz, gwir Vreiz-Izel,
C’houi vo er joaiou eternel.
