Adlennet eo bet ar bajenn-mañ
18
AN DIV ZREMM
MARIA
Ya, me eo, gant an avel yen. (Serriñ a ra an nor). Daoust d’an heol nevez splann ha gwenn, me ’m eus anoued em divhar evel mar n’em befe ket dilhad war va c’horf kozh... C’hoari a ra an avel gant he faotr hiziv...
AR VAMM
Spontet on bet. N’em boa ket ho klevet o tont. Tanav eo an avel, ya ! Tostait, da dommañ ouzh an tan. (Kempenn a ra an traoù).
MARIA
Ne vern... Mat an traoù evel-se, Anna ! N’on ket evit chom pell amzer. Ne oan deuet nemet da c’houlenn penaos emañ ar bed bremañ gant Malo Drean.
AR VAMM
Gwelloc’h eo ar bed gantañ... Gwelloc’h eo, ya... gwelIoc’h.
MARIA
Ra vezo Doue binniget. Re drist e vefe ma vefe chomet mac’hagnet.
AR VAMM
Nann, ne chomo ket mac’hagnet.
MARIA
Gouzañvet en deus a-walc’h evit bezañ adarre evel ar re all !
AR VAMM
Ya, gouzañvet en deus a-walc’h !