Ag er Supérioret hac Officerion
1.°
R-RÉ e vou choéget eit gobér er garg a Supérior pé Supériorés, hac en officeu-aral ; de laret-é, er hargueu-aral merchet ér règl, e guemérou er hargueu-zé guet aboeissance hac ou groeï guet sourci.
2.° Carg erbet ne vou eit perpet, ha ne vou quet laqueit Supérior erbet eit er rest ag é vuhé, mæs hemp quin eit un amzér laret.
Er hompagnoneaheu hac en urheu e vai santel ha réglet mat, e zezir ma vai aviset ha sourciabl er-ré ou hondui ; rac-cé é ma nécessær ma choéjou er verdér de vout Supérior pé Supériorés hac officerion tud aviset mad hac hanahuet eit bout hirreahet de hloër en Eutru Doué, ha de uélet er règl miret guet en ol.
Mæs èl mé ma speret mab-dén forh scan, ret-é ma larou en Directour overen er Speret-Santel eit goulen er sclerdér a ziarlué, eit gobér ur choége mad, hac er verdér e gommuniou én-hi. Goudé en Overen é vou laret er Veni, Creator, er verset hac en oræson merchet arlerh, un oræson d’er Uériés, unan de sant Françes hac un aral d’er Sænt ag en Urh a benigen.
En oræsoneu laret, en Directour e gommançou er choége én ur hanhuein a voéh ihuel pé dré scrihue pemb brér pé pemb hoér e gredou én é gouciance er-ré capaplan, unan de vout Supérior pé Supériorés, er puar pé pedair aral de vout discrêtet. Nezé er Superior pé Supériôrés, hac ar é lerh en ol verdér en dou groeit profession ur blai quênt d’er bihannan, e reï er memb tra, peb-unan dré é rang, revé en amzér mé ma én Urh. Er verdér mar carant e lauscou er choége guet en Directour, ha quement-cé e zou pourfitabl eit derhel gùel er peah hac en humilité é mesq er verdér, hac eit parrat doh en désordreu e dèn liès ur choége groeit guet er hompagnoneaheu santellan memb ha réglet gùellan.
Er choége-cé e vou reneuéet ér mod-cé peb tri blai, nameit hac ur ræson vras benac e obligehai en Directour de gontinuein unan-benac é carg.
Ou office n’en dé quet commandein, Jésus-Chrouist en dihuennai memb doh é Apostolet ; mæs accouragein er ré-ral de viret ou règl, hac avertissein er-ré lisidant d’ou devér ; pé divodest én ou dillad, pé ne rant quet caz a visitein er-ré clan, pé a assistein én assambléïeu, pé e gommance cârein en divertissemanteu. Ur Supérior pé Supériorés e zeli visitein er verdér tost, ha dres peb-tra er-ré clan, eit ou accouragein de gârein ha de chervige gùel-ar-uel en Eutru Doué, hac e avertissou er verdér de monet mar-a-uéh d’hum uélet étré-zai eit conservein gùel er garanté doh en nessan.
Ou office é secour er Supérior pé Supériorés d’hum acquittein erhat a ou harg, ha d’obér én ou léh a pe veint absant pe marhue, bet que ne vou choéget un aral.
Ou office é visitein ha receu guet doustér ha caranté visiteu er-ré n’en dès quet hoah groeit profession, disquein er règl dehai hac er fæçon d’obér oræson.
Er Supérior pé Supériorés ne zeli gobér nitra considérabl hemb ou avis ; int e évehou penaus é vihue er verdér eit avertissein er Supérior pé Supériorés, mar rémerquant un dra-benac e dal er boén.
Ou ofïice e zou pourvai ha conservein en ornemanteu, hac aleigein en autær.
Ou office é chairrein en alézonneu, pé questeu, pé proheu, hac ou impléein revé avis er Supérior ha discrétet, pé er Supériorés ha discrétezet.
Ou office é avertissein er Supérior pé Supériorés a pe vou unan-benac ag er verdér clan, avertissein er verdér, en Directour hac en Eutru Person ; en dout soign ma vou sacremantet ; int e bréparou un daul guet un duel gùen, ur Grucefi ha deu pilet alumet a pe zeï er Sacremant ; int e assaïou pourvéein d’er hlan en ol soulagemant hac assistance necesssær.
Int e reï d’er hlan gusquein é duniq ha prononcein a vêg pé a galon Jesus ha Mari quênt merhuel ; e reï el liennein guet en tuniq hac er voél, hac en interrein guet-hai ; int e avertissou en Directour ha Supérior pé Supériorés é vou marhue, eit ma vou avertisset er verdér d’assistein én interremant, pé de bedein ha de gommuniein eit-ou.
Er verdér e guemérou er hargueu-zé guet aboeissance hac ou acquittou gùellan ma elleint, eit méritein er recompance e rai Doué d’er-ré hum acquit erhat a ou Harg.