Leveromp an Angelus evit enori myster incarnacïon hor Salver.
|
Un Arc’hæl à bers an Autrou
A zisquennas eus an Evou, (bis.)
D’annonç da vari oa choaset
Evit Mam da Salver ar bed. (bis.)
Ave Maria.
Mari a respontas neuse,
Servicheres oun da Zoue ; (bis.)
Bezet great eta em andret
Ervez m’oc’h eus dign annoncet. (bis.)
Ave Maria.
Neuse concevas ur Buguel
Dre vertus ar Speret santel ; (bis.)
Hac ar Verb en em incarnet,
Etoues an dud en deus bevet. (bis.)
Ave Maria.
Pedit, Mam santel da Zoue,
Evidomp oll e Vajeste, (bis.)
Ma vezimp din eus ar graçou
A bromet Jesus hon Autrou. (bis.)
Pedenn da Zoue.
Va Doue, pa hon heus desquet
Gant ant Eal en deus annoncet, (bis.)
An Incarnacion eürus
Eus hon Autrou ho Map Jesus. (bis.)
Dreizi pliget gueneoc'h ive
Scuilla ho craç en hon ene (bis.)
M’hor c’hunduo e Bassion
Da c’hloar ar resurreccion. (bis.)
Ny er goulen, Tad eternel,
Dre Jesus-Christ ho Map santel ; (bis.)
Ha ma choumo gueneomp bepret
Oc’h assistanç e pep andret. (bis.)
|
