Annaik (Pronost)

Pêr Pronost

Annaik

D. Derrien, 1902  (p. 9)

ANNAIK

————

Ar bokejou glasa, digor er prajou braz,
N’ho deuz ket al liou kaer euz he daoulagad glaz ;
Ne weler ket gwiniz, enn anv, e nep tachenn,
Alaouret, stang hag hirr, evel he bleo melen ;
Iskiz ^[1] ha dudiuz eo kan ann alc’houedez,
Kalz dudiusoc’h c’hoaz eo mouez va mignounez.

1. Iskiz a dle beza digemeret ama evel ar ger gallek « extraordinaire ».