Ar Agoni Jésus ér Jardrin Olivet


PEMB MÉDITATION
Ar er Mystérieu principal a Bassion hun Salvér.


————
I. MÉDITATION.
Ar Agoni Jésus ér Jardrin Olivet.


CONSIDÉRET hun Salvér Jésus goudé en dout instituet er Sacremant ag en Autær, ér goén dehuéhan e ras guet e Apostolet rieu hemb lid, goudé en dout reit dehai de gommuniein, ha golhet ou zreit, é monet guet é unêc Apostol d’er jardrin Olivet, e antréein abarh guet tri a nehai, sant Pierre, sant Yehan ha sant Jacq ; é recommandein dehai chom dihousq de bedein Doué ; é monet larcoh ér Jardrin hæd un taul main doh t’ai : amen ret-é arrestein deulegat er speret ar Jésus-Chrouist, Mab uniq en Eutru Doué, ar benneu é zeulin, é zeu zorn joéntet ; goudé ean hum brostern é face doh en doar é presance é Dad éternel, é inean hac é galon affliget èl de varhue, é uélet raih é ol tourmanteu ag en trenoz, ingratitud er Juiffet hac el lod muihan ag er grechénion, péré, dré ou faut, n’en dès quet perset pourfitein ag é bassion nac a é varnue.

2.° Considéret hun Salvér durand tair ær é pedein ér stad calet-cé, hac é monet peb ær d’accouragein é dri Abostol, e gavai perpet cousquet. Goudé en dout pedet é Dad éternel dré dair gùéh ér mod-men : me Zad, e m’ean, pe vehai léh ma treménehai er halice-men hemb ne vehen obliget d’en ivet, mæs neoah revou groeit hou volanté ha nepas me hani. É uélet é oai volanté Doué m’en devai souffret ha marhuet, ean e laquas én é galon un desir, un hirreah quer bras de souffrein eit omb, ma tas er goêd, en doai hum dennet tro-ha-tro d’é galon guet en eah, d’hum strêhuein ha de foævein én é hoahiat quement que ne sortias ér mæz guet un huiz goêdec quer bras, que ne drézas é zillad, ha ma oai goleit en doar é léh ma oai. O me Jésus carantéus ! groeit ma tuemmou er chonge-men me halon yein ha sclasset ém pedenneu : hui e huiz er goêd, ha mé ne scùillan quet hemp quin un tapen dar.

3.°Considèret hun Salvér chommet é face doh en doar, quer goan ha faillet, que ne zas un Æl d’er honfortein. Queméret compassion doh t’ou ér stad-cé ; goulennet dré er mérit ag é beden er græce d’obér èl ma faut hou ç’oræson, ha de bourfitein a hou ç’ol poénieu a speret, é uélet quer bras ré Jésus.