- AR MAB MAC’HAGNET
- AG AR VAMM GRISTEN
![{
\clef treble
\key d\minor
\tempo \markup {\caps Andante}
\autoBeamOff
\time 3/8
g'8 g'8 g'8 | d''4. | c''8 d''8 bes'8 | a'4. | \break
c''8 c''8 bes'16 [ a'16 ] | g'4 a'16 [ bes'16 ] | c''4 bes'8 | a'4. | bes'8 a'8 g'8 | \break
a'8 c''8 a'8 | bes'8 g'8 [ f'8 ] | g'8 bes'8 g'8 | a'8 c''4 | a'4 bes'8 | g'4 r8 \bar "|."
}
\addlyrics {
O va mamm baour, pe -- bez an -- ken_!
Pe -- ger kris eo va fla -- ne -- den,
Me ’zo paour, me ’zo ma -- c’ha -- gniet
Ar vu -- ez d’in -- me ’zo ka -- let.
}
\layout { line-width = #125 }
\midi {
\context {
\Score
tempoWholesPerMinute = #(ly:make-moment 80 4)
}
}
\header { tagline = ##f }](http://upload.wikimedia.org/score/2/8/284jozh20qulj2de8pfoajlqki2odq6/284jozh2.png)
- AR MAB MAC'HAGNET
- AG AR VAMM GRISTEN
— O va mamm baour, pebeuz anken !
Pe ger kris eo va flaneden !
Me ’zo paour, me ’zo mac’hagnet,
Ar vuez, d’in-me, zo kalet !
— Va mabik ker, var an douar
Peb den hen deus e lod glac’har ;
Den divac’hagn, den mac’hagnet
A ren ho-daou buhez kalet.
— Mez, va mamm baour, ha pa velin
Tud all o vont skanv a biou d’in
Ha me rankoud, hed an hentchou
En em stleja gant va flac’hou ?
— Va mabik ker, an hent zo berr
A rod ar bed a dro lijer ;
Evel d’ar mor an dour a red
An dud a gerz var-zu ’r vered.
— Mez, va mamm baour, ha da c’hedal ?
Red e vo din mont da gestal
Ar paour, siouaz ; klask eo a ra
Pa na c’hell gounit e vara !
— Va mabik ker, a zor da zor,
Ne di ket da c’houlen digor ;
Me zo ampart ; me labouro
Ha ganhez me zaouhantero.
— Mez, va mamm baour, me ho pugel
Eo a dleffe rei deoc’h skoazel ;
Mamm maga mab hed e buhez
Ve mantri diou galon bemdez.
— Va mabik ker, eur vamm gristen
He deus, a-galz, guelloc’h kreden,
Hi ’zo he brasa plijadur
Gounit bara d’he c’hrouadur.
— Mez, va mamm baour, d’heoc’h ar c’hlenved,
D’heoc’h ar maro a c’hell doned.
’En dra-ze pa zonjan, ervad
An dour a veuz va daoulagad.
— Va mabig ker, guel ar golvan
Eunik ken dister, ker bihan.
Doue d’hezan a ro bevanz :
Red eo fisiout e’r Brovidanz.