Ar en devotion d’er Uériès
1°
ONSIDÉRET é teliet hou pout un devotion particuliér én hinour d’er Uériès glorius Vari, a balamort ma quemér en Eutru Doué plijadur én hinour e rantér dehi. Er Speret-Santel e assur demb ér scritur sacret penaus hinour er vam e zou hinour hé mab, hac hinour er mab e zou hinour é vam.
N’en doh quet cathaliq ma ne gredet é vérit er Uériés Vari bout mui hinouret eit en ol Sænt hac Ælet ansambl. Hun Salvér, én ær ag é varhue, en dès hi recommandet demb, doh hé recommandein de sant Yehan en Abostol. Chetui hou mam, e m’ean dehou, ha hui moéz, chetui hou mab, e m’ean dehi, én ur ziscoein sant Yehan guet ur sel a dristé. Queméramb er honzeu-zé eit omb : ur merche a salvedigueah é bout dévot d’er Uériés.
2.° En devotion d’er Uériés e zou volanté guerh ha dalhabl d’hé chervigein. Ur merche é en hun nès devotion d’er Uériés, a pe gueméramb plijadur doh hé mêlein hac é cleuet er ré-ral doh er gobér ; a pe hinouramb hé limageu, hé ilisieu, ha memb hé hanhue beniguet, a pe gredamb é ma hemb cesse é oulen guét Doué en ol græceu hun nès dobér ; hac é teliamb gout grat d’er garanté hé dès dohemb, a pe ra Doué ur græce benac demb, a pe glasquamb secour guet-hi én hun ol dobérieu, a pé gonsacramb dehi er péh ma homb, er péh hon nès, er péh e ramb, guet un desir bras ma tennou quement tra e rehemb durand hun buhé, quettan de hloër en Eutru Doué hac arlerh d’hinour er Uériés.
3.° Er moyant de gonservein ha de gresquein én hun halon en devotion d’er Uériés beniguet, e zou en dout én hun hambr hé limage, hac hé saludein, d’er bihannan guet ur sel carantéus, quement gùéh ma sortiamb ha ma antréamb ; hum laquat én ur verdiah benac én hé hinour, pé ahoél laret bamdé ur beden-benac d’hé hinourein ha d’hé suppliein ; yunein pé rein en alézon d'er sadorn én hé hinour ; n’antreprenein jamæs nitra a gonséquance hemb goulen hé assistance, accouragein hac anflammein ol er bed d’hé chervigein ha d’hé hârein ; dihuen hé hinour doh en ol hac énep d’en ol.
Anfin quemér scùir doh hé vertuyeu a guement ma homb capabl. Mem berdér, emé sant Bonavantur, mar fal deoh pligein d’er Uériés glorius Vari, queméret scùir doh hé doustér, doh hé humilité ha doh hé furtæt, rac a vihannoh ne hoès quet ur gùir devotion.