Ar er peah
AR arrihue un dissantion benac étré er verdér, pé étré-zé hac en dut aral, er Supérioret pé Supérioréset e assaïou guet charité hac ér mod e gredeint gùellan eit laquat er peah hac en amitié.
Èl mé ma er garanté doh en nessan ur merche eit hanàuein bugalé Doué, ha diforhein gùir serviterion Jesus-Chrouist doh er-ré n’en dès meit en hanhue hac en aparance, hun Zad seraphiq sant Françæs en dès ræzon vat de ourhemenein d’er verdér ag en Urh a benigen de gonservein guet er brassan sourci er garanté doh en nessan, ha d’hé reparein prest mar dant ag hé hol. Int e zeli enta conservein ur garanté vras doh ou nessan, hac e assaïou discoein d’en ol ul limage ag er grechénion quettan, péré e vihuai quen tuêm a galon en eil doh éguilé, ma lar sant Lucas n’ou doai ol meit ur memb calon hac ur memb inean ; hac eit quement-cé, er verdér ha hoéreset e zioallou hac e belleï dob pep sort dissantion, e sàu el lod muihan ag en interès pé ag en ambition. En ambition e zou en hoant de hinour pé jalousi doh er-ré en dès. Mar arrihue neoah un dissantion-benac étré er verdér pé étré-zé hac en dut aral, er verdér e hanàuou quettan en dissantion-zé, hum impléou guet caranté d’ou accordein, ha ma n’ellant donet de bèn, int e avertissou er Supérioret pé Supérioréset, péré ou accourajou d’obér er peah hac en amitié guet er honzeu ha ræzonnieu capaplan de douchein ou halon, èl er ourhemen e ra demb hun Salvér de gârein ha d’obér vad d’er-ré e ra poèn demb, ha dré exampl en Eutru Doué memb, péhani hun hlasq er hettan hac e ra demb é græceu eit retournein d’er stat a græce Doué, a pe za demb er huittat dré er pehet marhuel.