Barzhaz Breizh/1846/Kanaouen al levier
Oberennoù damheñvel pe handelvoù all zo ivez, gwelout Kanaouenn al Levier.
Da Zantez Anna e m’onn bet,
Rak war vor e ma red monet.
Da Zantez Anna,
Da Zantez Anna,
Da Zantez Anna,
Neb ia, Anna
N’ankoua.
Kenavo d’hoc’h, Kervignagiz,
Dont a rinn souden war ma c’hiz.
Da Zantez Anna, etc.
Me eo a zo ar potr-levier
Ar Zurveillantez ; al lestr kaer.
Hag hen fretet gand koeor melen,
Splannoc’h hag aour pe argant gwenn.
Ken drant evid eunn demezal
Hag a ia da ober eur bal.
Na kaeret eunn dra hen ober ?
Eur c’hanolier da vombarder !
— Kanolerien, sonet ho son.
Ma imp d’ei, me ha ma itron.
Sonet, sonerien, sonet ge,
Ma imp d’ei bloc’h ma dous ha me ! —
Oa ked komz ar Mank peurlaret,
Ar c’hanol en deuz tregornet.
Eul lestr zoz a zo erruet,
Eur gwall-vordad d’eomp n’euz strinket,
Al lestr gant han eur vaniel ru,
Ha c’houezek kanol a-bep tu.
— Ma eo daou ha tregont ho deuz.
Daou ganol ha tregont hon euz. —
Hor bordad hon euz-ni losket ;
Betek ar c’hein en deus straket.
— Sturik mad, gra mad da vicher,
Na vez ket amzent d’ar sturier.
Va sturik mad, deomp-ni a-rog ;
Chetu ni hon daou krog-oc’h-krog.
Tregorna ra ar volodao ;
Ar volodao atao, atao !
C’houezi ra kovou al listri ;
Ar mor tro-war-dro o virvi.
Kovou al listri a zigor ;
Ken a gouez ar gwernou er mor.
Ker stank gwelodiennou er strad
Ha mez er c’hoad goude barrad.
Pouarzek bolod rez hon eus bet ;
Pouarzek rez hon eus daskoret.
Aboe pemp heur eo a denner,
Ha ne ket skuiz ar c’hanolier.
N’ed eo ket skuiz ar c’hanolier ;
Ken-nebeut n’ed eo al levier.
Ar c’habitan ne larann ket ;
Ar c’habitan zo gwall-diet !
Tiet er c’hov, tiet er jod,
Tiet enn tal gand ur bolod.
Koulskoude e ma ’tao a-rog,
Enn he zao, o reno ar c’hrog.
Na hean tamm oc’h ober mad,
Evit-han da redeg he c’hoad.
He c’hoad a red a bouladou !
Kergoualer zou eunn den mar zou !
War al lestr n’ehan den e-bed,
Evid-omp holl bout gwall-diet.
Tiet omp holl nemed unan :
N’her hanvann ked er zonen-man.
Pemb troatad dour e don ar c’hal,
Pemb troatad dour, goad kement-all !
— Kabitan ker, deuz, deuz ha sell !
Troc’het ann dris ; kouet ar zinel !
Klevez ked ar Saoz o laret :
— Ho zinel ho deuz diskennet.
— Diskenn ! diskenn ! oh ! na rinn ket
Keit a vo goad em wazied ! —
Er Mang a glev, ha’ ma pignet
War ar wern-volosk, enn eur red ;
Kreiz ar bolodou, sonn e benn,
A zisplegaz ur mouchouer gwenn.
Oh ! ni n’hon euz ked diskennet ;
Sevel ar sinel hon eus gret.
Ar Breton na ziskenn nepred ;
Iannig-ar-Zoz ne larann ked.
Ar c’habitan Zoz zo lazet ;
’Vel eunn den mervel en deuz gret.
’Vel eunn den mervel en deuz gret ;
Tanet enn e roched goadek.
Tanet lestr ar Zozon gen-omp ;
Hi noaz, o neuial daved-omp.
Ann dud euz a Vrest a ioue ;
O welet hor listri mont tre.
Ann holl dud a Vrest a ioue,
Nemed ar mammou paour na re.
Pebez enor, d’e-omp, Bretoned,
Ar Zozon a zo bet trec’het !
Pebez enor, Kervignagiz,
Galvet eo ar Mank da Baris.
Da Baris e ma bet galvet,
Hag ouz tol ar roue azeet ;
Tol ar roue, gand ar brensed
A ra stad ouz ar Vretoned.
Bet en deuz eur vedalenn aour,
Ha laket eo da ovisour
Mil bennoz Doue d’ar roue !
D’ar roue mil bennoz Doue !
Doue ouz ar stad na zell ked,
Ar roue na zell kenneubed.
Tudjentil ha tud ar ploue,
Meulomp holl, e Breiz, ar roue.
Ar roue ha santez Anna,
Mamm-baeronez vad ar vro-ma.
Da zantez Anna,
Da zantez Anna,
Da zantez Anna,
Neb ia, Anna
N’ankoua.
![\score {
\version "2.18.2"
\relative c'{
\clef treble
\key c \major
\tempo \markup {\italic Allegretto.}
\override Rest #'style = #'classical
\autoBeamOff
\time 2/8
\partial 8*1
c'8 a b | c4 | d | a8. b16 | \break
g8 c | a b | c4 | d | a8. b16 | \break
g8 g | d' d | d e | f e | d \tuplet 3/2 { c16([ d]) e } | \break
f8 e | d \tuplet 3/2 { c16([ d]) e } | d8 e | d \tuplet 3/2 { c16([ d]) e } | \break
f8 e | d c | b c | d c16 b | c4 \bar "|."
}
\addlyrics {
Ke -- na -- vo d’hoc’h, Ker -- vig -- na --
giz, Ke -- na -- vo d’hoc’h, Ker -- vig -- na --
giz; Dont a rinn sou -- den war ma c’hiz. Da zan --
tez An -- na, Da zan -- tez An -- na, Da zan --
tez An -- na, Neb ’ia An -- na N’an -- kou -- a.
}
\layout { line-width = #123 }
\midi {
\context {
\Score
tempoWholesPerMinute = #(ly:make-moment 120 4)
}
}
}
\header { tagline = ##f }](http://upload.wikimedia.org/score/1/e/1eyti4qzjgu5c0xgjasn8nb7eoosmm0/1eyti4qz.png)