Barzhaz Breizh/1846/Son fest ann arvel

Oberennoù damheñvel pe handelvoù all zo ivez, gwelout Son Fest an Armel.

Kervarker

Barzaz Breiz

Franck, 1846 (Levrenn 1 Levrenn 2, p. 320-322)

◄ Son ann dud paour

Son fest ann arvel

Son fest miz Even ►

V

SON FEST ANN ARVEL.

(Ies Leon.)

V.

ANN DEN IAOUANK.

Selaouit, va dous intanvez,
Deut-ounn d’ho ti d’ober al lez ;
Breman digouezet ann amzer
Da zilezel pe da ober.

ANN INTANVEZ.

Er bloavez-ma na zemezinn,
Na biken va c’hanv na dorrinn ;
D’ar govent eo red d’in monet
Leac’h ounn gand Doue gortozet.

ANN DEN IAOUANK.

D’ar govent c’houi na eot ket,
D’am c’her-man ne lavarann ket ;
Ar rozen hag al louzou fin
Zo mad da lakat er jardin.

ANN INTANVEZ.

Ar rozen zo mad d’ar jardin,
D’ar vered ar wezen ivin ;
Dibabet am euz da bried
Ann hini neuz krouet ar bed.

ANN DEN IAOUANK.

Dalit, dalit, va dousik koant ;
Dalit va gwalennig arc’hant ;
Likit-hi war ho tourn breman,
Pe m’he lakai d’e-hoc’h va unan.

ANN INTANVEZ.

Biken gwalen na gemerinn,
Na biken d’am biz na likinn,
Nemed gwalen diouz dorn Doue
Pehini en deuz bet va fe.

ANN DEN IAOUANK.

C’hoant hoc’h euz eta d’am lakat,
D’am lakat da vervel timad ?

ANN INTANVEZ.

Den iaouank, me ho tigolo
Diouz ar pred kollet war va zro ;

Diouz ar pred hoc’h euz-hu kollet,
O c’hedal gwalen ann eured ;
Me bedo Doue deiz ha noz.
Ma em givimp er baradoz.

————

$\score { \version "2.18.2" \relative c'{ \clef treble \key bes \major \tempo \markup {\italic "Andantino triste."} \autoBeamOff \time 6/8 \partial 4*2 bes'8 a[ bes] g a4 g8 c4 a8 | \break g([ a]) bes a([ bes]) g | a4. g8 c a | g4 r8 g([ bes]) c | \break d ees d c4 bes8 | a([ bes]) c bes([ a]) g | a4. g8 c a | \break g([ a]) bes a([ bes]) g | a4. g8 c a | a4 \bar "|." } \addlyrics { Se -- la -- ouit, va dous in -- tan -- vez, Deut onn d’ho ti d’o -- ber al lez; Bre -- man di -- goue -- zet ann am -- zer Da zi -- le -- zel pe da o -- ber, Da zi -- le -- zel pe da o -- ber. } \layout { line-width = #123 } \midi { } } \header { tagline = ##f }$