Buhez ar Sent/1837/Romual
omual disquennet eus an Duguet a Raveen, a
heulias ar bed e bligeadurezou, bete an oad a uguent
vloaz.
E dad en devoe un devez disput ous unan eus e guerent, en em ganna a reas gantàn, hac el lazas, Romual, pehini a voa presant, petra bennâc ne voa quet caus eus ar goal affer-ze, en em santas quen touichet, ma quemeras ar resolution da guitaat ar bed evit ober pinigen.
En em denna a eureu en Deserz, equichen un Hermit devot. Eno e cavas peadra da countanti an desir en devoa da bratica ar binigen.
Bemdez e lavarent o daou assambles an Ofiç ; hac evel Romual a fazie alies er goumançamant, an Hermit, evit e gorrigea, a roe dezâ bep-tro un taul gant ur voalen vian var gostez e benn. E Zisquibl, goude beza anduret pell amser heb lavaret guær, er pedas un deiz da squei var ar c’hostez all, abalamour, emezàn, ma colle ar c’hlêved eus ar c’hostez-ze. An Hermit a admiras e batiantet, hac en tretas goude-ze gant muy a zouçder, ha da benn neubeut amser er c’honsideras evel e Væstr er vuez spirituel.
Romual en em dennas goude-ze en un Deserz hanvet
Camaldoli, e pelec’h en devoe souden cals a Zisquibien.
Eno, o veza cousquet un deiz equichen ur
feunteun, e velas dre e sonch ur squeul, eus a behini
an troad a voa var an douar hac ar beg a hye bete
an Eê, hac e velas Religiuset guisquet e guenn o
pignat var ar squeul-ze. Goude ar sonch misterius-se,
e roas d’e Zisquibien an habit guenn gant Reglennou
caër a vuez. Evel-hen eo e coumanças an Urz a Gamaldûl,
pehini, en deus roet quement a Sænt d’an ilis.
Ar Sant-mâ, o veza clevet penaus e dad, da behini en devoa graet Doue ar c’hraç da guitaat ar bed ha da antren eu ur gouent a oa var ar poent da sortial evit distrei er bed, a yeas d’e gaout, hac a gomsas outàn quer mad ha quer caër ma en rentas ferm er stad en devoa quemeret ; ha beza en devoe ar gonsolation d’e velet o vervel eguis ur Sant.
E Garantez evit Jesus-Christ a voa quen ardant, ma vize clevet, alies en deiz, o lavaret ennâ e-unan : Ô va Jesus leun a zouçder ! o Doue eus va c’halon ! va Salver carantezus, zouçder ar Sænt, mêl delicius an Eneou pur va Jesus douç ha mad hac ar fin eus va oll desirou !
Erfin, oaget a c’huec’h-uguent vloaz ez eas da receo en Eê ar recompanç eus e labourou hac eus e boaniou, var dro ar bloaz 1027.
1. Buez ar Sænt a zeu da douich ha da ranna va c’halon : carguet oùn a gonfusion hac a vez pa gonsideraàn petra o deus-ii græ, ha petra a ràn-me va unan.
2. Ma carres, Romual, lesel graç Doue da operi en da ene, petra na refes-te ? Da santimant da-unan a heulies, miserabl, hac e colles tout.
3. Peguen terrubl eo jugeamant an Autrou-Doue ! Pell amser so abaoue en em breparàn da vervel ; ha seul-vuy e songeàn, seul-vuy e seblant din ez oùn indin da apparissa dirac Doue.
4. Guel eo souffr gant milit, o veza innoçant, eguet souffr dre e faut, o veza coupabl.
5. Bevet am eus uguent vloaz etouez ar bed, ha cant vloaz e Gouent hac en Deserz. Peguer ber eo bet ar c’hant vloaz-mâ ! Ha peguent hir, peguen leun a viseriou eo bet an uguent vloaz-ze !
6. Pa vanq an dud deomp, Doue hor sicour, ha guel eo caout Doue e-unan, eguet cant ha cant mil den.
Ar binigen vras hac ar yuniou en deus pratiquet Sant Romual epad cant vloaz, n’o deus quet miret n’en deus bevet bete an oad a c’huec’h-uguent vloaz. Goude quemense penaus e illit-hu cridi e teufac’h da ziverra ho puez evit yun ar C’horaïz, evit sevel un hanter-heur abretoc’h, evit renta da Zoue ho tever a Gristen, dious ar mintin ? Ah ! peguen douç eo impligea e vuez e servich Doue, pehini a vouar e c’honservi hac e astenn, pa e zispriser evit e c’hloar.
Eil Reflexion. Ar Sant-mâ, goude ur binigen a gant vloaz, a zougue Jougeamanchou Doue. Petra a raïmp-ni eta, ni pere hon eus tremenet quement a amser er pec’het ha quen neubeut er binigen ? Ni pere n’hon eus quet coumancet da veva ervad, na songet da vervel ervad.