|
Jesus ! peguen bras ve
Plijadur an ene,
Pa ve en graç Doue
Hac en e garante ! (bis.)
Ber cavo an amzer,
Ne santo nep miser,
O sonjal de ha nos.
En gloar ar Barados. (bis).
Pa zellan en evo
Hac en treze va bro,
Nigeal dy a garen
Evel eur goulmic ven (bis.)
Mes sivouas ! me chomo
Betec heur ar maro,
Evel eur prisonnier,
En eur c’horf zo pounner.
Pa vo heur ar maro,
Neuse me gumniado
Eus ar c’hic dangerus
Adversour da Jesus. (bis.)
Gand joa e c’hortoan
Ar moment divezan,
Hast ameus da velet
Jesus, va guir Bried. (bis.)
En heur-ze me esper,
Gand sicour va C’hrouer
Ar partach evurus
Prenet din gand Jesus. (bis)
Querquent a ma vezo
Torret va chadenno,
M’en em zavo en er
Evel un alc’hueder. (bis.)
Tremen a rin al loar
Evit monet d’ar gloar ;
Var an heaul, ar steret
Me a vezo douguet. (bis.)
Neuse me lavaro
Adieu da dud va bro,
Adieu d’ar bed poannius
D’e bechou dangerus, (bis)
Adieu d’ar baourente,
Adieu d’ar vanite ,
Adieu d’an trubuliou,
D’an tentacionou. (bis.)
Pelloc’h ne zougin quet
Chalmou an drouc speret ;
Biquen, nan n’em zromplo
Goude heur ar maro. (bis.)
Goude heur ar maro
Gand joa me a gano :
Torret eo va chaden
Ha me libr da viquen. (bis.)
Ar pec’hejou marvel
Nac ar re veniel
N’ellint quet m’attaqui,
Na biquen va zrec’hi. (bis.)
Me a cencho a stad
Evit va brassa mad ;
N’em bezo nep glac’har
O quitat an douar. (bis.)
Me velo discaret
Va oll ennemiet,
Ha me victorius
Dre ho craç, va Jesus. (b.)
A bep-tu pa zellin,
Quement tra a velin
A gargo va c’halon
A gonsolacion. (bis.)
Percher ar Barados
Digor eus va gortos,
Ar Sent, ar Senteset
Prest d’am diguemeret. (b.)
Piou allo esplican,
Gand joa er lavaran,
An triomph a velin
Er gloar pa antrein. (bis.)
Me vezo recevet
En palès an Drindet,
E creis an enoriou
Hac ar melodiou. (bis.)
Hac eno evit mad
E velimp Doue hon Tad
Gand e Vap eternel,
Hac ar speret santel. (bis.)
Me a velo Jesus
Gand un air gracius,
O lacat var va fen
Ar gaëra curunen. (bis.)
Pa em diguemero,
Eus e beurs me glevo :
Deut, servicher fidel
Deut d’ar gloar eternel. b.
C’hui graguès ha merc’het,
Treac’h d’ar c’hic d’ar bet ;
C’hui pezo enoriou
Evit ho victoriou. (bis.)
Sonjomp oll dre avanç
Peguer caër recompanç
Zo demp oll preparet
En palès an drindet. (bis.)
Er Barados ep quen
Ni a allo compren
Petra dal an evou,
Ho gloar hac ho joayou. b.
Evit poanniou dister,
Evit anquennou ber,
Me vezo paët mad
Gand Doue hor guir Dad.
O velet hon Doue
Gand ar Sent, an Ele,
Ni a vezo contant,
Ep aon rac cenchamant. b.
Admirabl eo guelet
Ar Verc’hes-binniguet,
Gand daouzec stereden
A ra e c’hurunen. (bis.)
Guelet a raïmp ouspen,
Renguet en eur vanden,
An Ele, Arc’hele,
Oll o veuli Doue. (bis.)
O cana e music,
Canticou manific,
O raï meuleudiou
Da Grouer an evou. (b.)
Guelet a raimp goude
Adam, Abel, Noe,
Abraham, hac Ysaac,
Jacob, Joseph e vap. (bis.)
David ha Samuel,
Ar prophet Daniel,
Ar Sent Patriarchet
Gand gloar oll curunet. b.
Ar Prophetet fidel,
An Ebestel santel
Hac an oll Verzerrien,
Enor ar Gristenien. (bis.)
Curunet vint gant gloar
Abalamour d’ar victoar
O deus bet goneset
Var an oll dyrantet. (bis.)
An oll Gonfessoret,
Pontifet, Doctoret,
Beleyen ha Menec’h
Ha Sent oll a beb lec’h (b.)
Guerc’hezet a bep oat,
Sentezet a bep stat,
Graguez, Intaveset
Gand Doue curunet (bis.)
Eurusdet ep e far !
Dre avanç ni a car ;
Te consol va c’halon
En peb affliccion. (bis.)
En oll boanniou calet
A gorf pe a speret,
Me sonjo de ha nos
En gloar ar Barados. (bis.)
————
|
