J.-B. Lefournier, 1836  (p. 181-188)




CANTIC AR FOLGOËT.


————


Var don : Guers Lo-Christ an izelvet.


1.

D’ar sûl araoc guel an oll Sent,
Er blavez dec-a-tri-uguent.
Euz ar pevarzecvet canvet,
Comprenit-en mad, Bretonet :

2.

E tecedas Salaun ar foll,
Casseet, rebutet gant an oll,
Tretet a zot, disquiantet,
Eb croas, na belec anterret,

3.

Gouscoude e vuez a voa bet
Eur squer, un exempl vad bepret :
Yun, cousqet var an douar yen
Ac humbl goulen an aluzen.


4.

Ave Maria, emezan,
Selaouit-ta mad anezan,
Selaouit : Ave Maria,
Salaun a zeppre bara.

5.

Cetu e beden ordinal :
Credabl ne vouie hini al ;
Er fæçon-ze, dre Lesneven,
Eo e choulle an aluzen.

6.

E c’hars eur feunteun, eul lochen,
Savet a zindan eur vezen,
A serviche de logeiz
E pep amser, nos a deiz.

7.

Eno cousqet var ar c’halet,
Oc’h imita an hermitet,
Divar bara a dour e veve,
Eb jamæs qen magadure.

8.

Evit gallout en-em doman,
P’en-em zante rivet er goan,
A ispill oc’h eur brancq neuse
C’hen-em vransqelle a zoare.


9.

E qeit a ma c’hen-em ige
Ous ar brancq guezen evel-ze,
O ! ô ! ô ! ô ! ô ! ô Maria !
E vige clevet o cana.

10.

An dud divardro a grede
E ranqe bea sot an den-ze,
Ac etrezo n’er galvent oll,
Partout nemet Salaun ar foll.

11.

Erfin, decedet p’er c’haf-jont,
En anterri a zecid-jont
Dindan o vezen, dre n’allent qet
En laqât, emezo, er veret.

12.

Nac e binigennou calet,
Nac e oræzon qer brudet,
Tra, emezo, ne doant oll
Nemet ar merq euz eun den foll.

13.

Bref, n’er c’havont quet din a gren
Da vea anterret e christen,
Ac eno en douar ractal.
Er plantont evel ar chatal.


14.

Mæs Doue, à bini ar gallout
A deu, pa gar, à ben à dout,
Evit lezel exempl a squer,
A brouv vertus e zervicher.

15.

Eur fleurdilizen gaër-meurbet
Euz ar bez souden zo savet,
A var e deillou ar chomzou-mâ
O Mari ! Ave Maria.

16.

Eur seurt miracl eur vech brudet,
Tud a bep bro zo diredet :
Tud simpl, a noblanç , a bœleyen,
A velet o tond à vanden.

17.

Enô da Vari eun Ilis
Batissa, oll ezint avis,
E memor ac e testeni
Ar miracl-ze græt dre enni.

18.

An duc à vreiz gant ardeur vras
De batissa en-em bressas ;
An Ilis savet a zo anvet :
Itron Varia ar Folgoët.


19.

Euz ar moment-ze, cals duqet,
Duqezet, princet, princezet,
D’ar Folgoët zo deut da bardona,
A da Vari d’en em voesta.

20.

Ac ar pez en deus c’hoas tennet
D’ar Folgoët cals pelerinet,
Eo an indulgeançou caër
Enni qer stancq a chonezer.

21.

Er Folgoët mêmès indulgeanç,
A c’hraçou mêmèz abondanç,
Vel zo è Rôm a indulgeançou
En eur ober e stationou.

22.

Ouspen an indulgeançou-ze
Accordet oll gant Jûl trede,
Cals a re-al a gaffen c’hoas
Fontet aman gant tri Bap bras.

23.

Cetu-int amân an tri Bap-ze,
Dalc’hit sonch mad : Sixt pevare,
Innoçant eis a Leon decvet,
O zri d’ar Folgoët devouet.


24.

Da oll bardonniou ar Folgoët
Deja o devoe accordet
Da jamæs cant devez pardon
D’an oll belerinet guirrion.

25.

Ar pardonniou principalla
A celebrer en Ilis-mâ :
E mis eost, ar sûl qenta ;
Er mêmèz mis, guel Maria .

26.

D’an eisvet à vis goengolo
E teu pelerin à beb-bro,
Ennez eo deiz ar pardon-bras :
Mari en deiz-ze a c’hanas.

27.

Oh pebez dudi eo guelet
Processionou caër-meurbet
O tond d’ar Folgoët en deiziou-ze,
Evit saludi Mam Doue !

28.

Processionoù Lesneven,
Re Plouzeniel a Sant-Even,
Re Ꝃnouez ac an Drennec,
Ac ive re Tregarantec.


29.

Tad clan, tad infirm, impotant,
C’hui, pere a guez e drouc Sant,
A c’hui, graguez paour poagniet,
Da Vari-ta en-m voestet.

30.

Er brezellou, var ar mor don,
E creiz an danger, an drahison,
N’ouffac’h qet ober gueloc’h tra
Vît d’ar Folgoët en-em voesta.

31.

Ar branellou a zo chomet
Ac a veler c’hoas er Folgoët,
N’ellont beza nemet mercou
Euz e faveur, e miraclou.

32.

Deut-età oll, à vir galon,
Deut oll gant guir devotion,
Deut d’ar Folgoët da bardona,
Deut da vari d’en-em voesta.

33.

Deut c’hui pere ne ouzoc’h quet
Da besseurt stad e zoc’h galvet :
Er Folgoët, an Itron Varia
A zesqo deoc’h an hent surra. Amen.



Cantic ar Folgoët.


————


Abrege euz an indulgeançou a eller da c’honit o visita Ilis Itron Varia ar Folgoët, accordet da berpetuite gant pevar Bap bras : Sixt IV, Innoçant VIII, Leon X, Jul III, lennet, examinet ac approuvet er blavez 1633, gant an Autrou Guillerm, chaloni a viqel-vras à Leon, ac er blavez 1829, gant an Autrou Ian-Mari-Dominic de Poulpiquet de Brescanvel, escop Quimper, composet e guers brezonec gant an Autrou Calvez, person ar Folgoët, er blavez 1838, examinet, corriget ac approuvet er memez blavez, gant an Aotrou Jegou viqel-general d’an Autrou n’escop à Guimper.


————


Propriété de Notre-Dame du Folgoët.


————