|
Deut oll, deut bugale, deut d’ar banquet precius,
Galvet oc’h gant Doue da dibri ous taol Jesus ;
E vab, barados an ene
E possedin Doue.
Mar dezirit madou amâ emàn an tenzor
Pehini ho rento pinvicoc’h eguet ar mor :
Jesus, perc’hen an oll vadou,
Ha mestr an oll c’hraçou.
An aour hac an arc’hant ne dint nemet paourente
En qichen an tenzor a offr deomp Mab Doue :
Jesus a offr deomp ê oll vad
Evit hor pinvicat.
E gorf, goat hac ene a gomposo ar banqet,
Gant ê zivinite ebars èn hosti cuzet :
Jesus, guir c’houarner an evou,
Guir joa hor c’halounou.
M’er güel var an Auter dêved gant ê garante,
O c’hortos ar pec’her evit toma ê ene :
Jesus a zezir ar galon.
Evit beza ê dron.
Pet guech n’en deân qet outrajet èn Ilizou ?
Ha c’hoas na c’hoantit qet quitat an tabernaclou :
Jesus a verit hor c’halon
Hep reservacion.
Ne qet bet contantet da vervel var ar C’halvar,
C’hoas en eus teurvezet chom ganemp var an douar ;
Jesus evit souten bep de
Hon c’horf hac hon ene.
O Tad à garantes hac a vadeles parfet,
Evit ho pugale c’houi zo en em brodiguet ;
Jesus en em ro ê-unan
Da remed ous hor poan.
Oll sent eus a ênvou, prestit din ho carantes,
Roit din ho calonou evit caret va Doue :
Jesus, c’houi vo va c’harante
Hac en nos hac en de.
Languissa’ran gant c’hoant da dibri gant an æle,
Ar mœus qen excelant preparet gant Mab Doue :
Jesus, contantit va c’halon
Dre ar gommunion.
Allas ! ô pa sonjan penos emeus offancet
Ar mignon ar guella hac ar fidella pried :
Jesus, gant glac’har em c’haloun
E c’houlennan pardoun.
Nan, ne veritan qet, m’en anzav gant guirione
Goude beza pec’het, dibri bara an æle ;
Jesus, c’houi eo ar santeles,
Ha me ar pec’her qès.
Action à c’hraç.
O caëra chenchamant dre an effet d’ar graç-se !
Va c’halon a seblant chenchet ennon â neve :
Jesus, oll joa an æle,
Zo bremâ em ene.
Na meus qen plijadur nemet o sonjal bremân
Penos ho crouadur zo ganêc’h ha c’hui gantân :
Jesus, â galoun me ho ped,
Chomit guenên bepret.
Ne gomzit din pelloc’h eus ar bed nac ê vadou ;
Mil guech on contantoc’h vit perc’hen an tenzoriou :
Jesus, dre oll e voar contant,
El lec’h ma vec’h presant.
Calon, memoar, speret, sonj, dezir ha bolonte,
En em unanit oll da adori Mab Doue :
Jesus, guir Doue ha guir den,
A garin da viqen.
Sel ountân va ene, sel ountân gant plijadur,
Ha consider bep deis e garantes dreist muzur ;
Jesus, guenet ar barados
Zo ganên deis ha nos.
Va bues so re vêr da drugarecat Doue ;
Me ho ped, va Zalver, qement evit va ene ;
Jesus, trugarecait ho Tad
Evit ê galon vad.
Guerc’hes, Sent hac Æles, prestit deomp oll ho moeziou ;
N’em unanit ganeomp evit adori’n Autrou ;
Jesus a verit an oll c’hloar
En ên hac en douar.
Soutenit va c’halon bremâ hac e pep instant,
Roït din nerz Samson da drec’hi peb goal banchant :
Jesus, me zo, siouas, fragil,
Ha Satan zo subtil.
Accordit din ar c’hraç, mar bezân biqen tentet,
Da vervel var ar plaç qent consanti d’ar pec’het :
Jesus, va joa e vo mervel,
Mar bezàn dêc’h fidel.
Occasion dromplus ha c’houi goal gompagnunes,
M’o tilezo joaüs evit plijout d’ar furnes :
Jesus, ar pec’het em c’halon
A ve dêc’h ur poeson.
Va mirit da james, va mirit ous ar pec’het,
Rac va brassa anquen a ve mancout d’o caret ;
Jesus, guir vues va ene,
Reglen va bolonte.
Enor, gloar, carantes en tabernaclou santel,
Da Jesus Mab Doue, enor ha gloar eternel,
Jesus, bezit dre oll meulet,
Ha gant an oll caret.
|
