Oberennoù damheñvel pe handelvoù all zo ivez, gwelout Langidik.

1890  (Levrenn I, p. 318-320)



LANGUIDIC
____


   O vont d’ann offern da Languidic (ter)
Me ’m boa choaset eur vestrezic ;

   Me ’m boa hi choaset tostic d’in, (ter)
Eur vrao a blac’h, plijout ra d’in.

   N’eo ket balamour ma ’z eo coant, (ter)
Plijout a ra d’am zantimant.

   — Plac’hic iaouanc, d’in-me lâret (ter)
A belec’h e teut, pe ec’h et?

   — Dimeuz ar gêr donet a ran, (ter)
Da Languidic monet a ran.

   — Da Languidic na iefet ket, (ter)
Da Landevant, na lâran ket.

   En Landevant p’int arruet, (ter)
En hosteliri ez int et.

   — Demad, hostiz hac hostizès, (ter)
Boud oc’h eus gwin mad da evès ?

   — Boud ’zo gwin ruz boud ’zo gwin gwenn, (ter)
Ar pez a garfet da c’houlenn.

   — Digasit d’in euz ar gwellan, (ter)
Calon ma dousic a zo clan.

   — Daou zen iaouanc, d’in leveret (ter)
C’hui ’zo dimezet pe n’oc’h ket ?

   — Oh ! ia, nin ’zo dimet hon daou, (ter)
Ni ’zo dindan ann embannaou ;


   N’eo ket ’n ho ti, tavarnourès, (ter)
Am boa me choaset ma mestrès :

   Me ’m boa hi choaset tostic d’in (ter)
Eur vrao a blac’h, plijout ra d’in ;

   N’oa ket balamour ma oa coant, (ter)
Plijout a re d’am zantimant.


Canet gant Mie Ane ann Noan.

______________