| ◄ Ag en usage vat a buissanceu en inean, ha de guetan ret é ma vou en antandemant exampt a ignorance hac a guriosité. | Ag er péh e èll miret dohomp a istimein erhat peb tra, hac ag er péh e èll hun secour d’hanàouit erhat peb tra. | Ag un dra aral necessær d’en antandemant eit hanàouit er peh e zou profitaplan. ► |
Er hombat spirituel/Chapistre 08
CHAPISTRE VIII.
Ag er péh e èll miret dohomp a istimein erhat peb tra, hac ag er péh e èll hun secour d’hanàouit erhat peb tra.
R péh e vir dohemp a istimein erhat en treu a beré en hun nès conzet, hac hilleih a reral é ma couéh temp quenteh
el ma tant en hun isprit, commance ou hârein pé ou hassat, hac en inclinationeu dal-zé perpet é raug er ræson, ou diguiz temp en ur fæçon ma haval guenemp émant dihaval doh er péh men dint. En nemb enta e vèn hum hoarantein doh un drompereah quer quemune ha quen dangerus, e zeli evéhat guet sourci doh é galon eit n’andurou én hi caranté disordre er bet, ne vern eit petra vou.
Mar en hum bresante un dra benac dehi, ret é d’en antandemant er honsiderein hac hen examinein ar é hoar, quênt ma hum zougou er volanté pé d’er hârein mar dé agréabl, pe d’er hassat, ma n’en dé quet : rac en antandemant, a pe n’en dé quet hoah gouniet d’en inclination, e èll forh æs diforh er uirioné doh er gueu, en drouc doh er mat, deusto d’en apparance ou dés ; mæs deèt d’er volanté bamet ag ol er peh hum bresante dehi, comance ou hârein pé ou hassat, quenteh en antandemant ne èll quet mui ou hanàouit el me meint, rac en inclination pehani e guh tout, e zou caus ma fari en é chonge ; nezé é tiscoein hoah ur uéh en treu d’er volanté dishaval doh er peh me meint, honnen brellet deja e zouble hé haranté pé he hâs eveit’hai, ha ne èll quet mui goarn mesul erbet na cheleuet er ræson.
En un disordre hac ul louyadur quen estrange, en antandemant e dihoéla muioh mui hac e zisco perpet d’er volanté en treu viloh pé cairoh eveit quênt. El-cé meit hac heliet vehai perhueh mat er regle e més reit, ha pehani e zou ag ur gonsequance vras, deu hellouit noplan en inean ne rant meit troein, fari hemp cess, couehel ag un dihoeldæt en un dihoeldæt aral, ag un abym en un abym aral. Eurus er ré en dès ur galon distag a zoh en treu crouéet, hac e gonsider erhat quênt cârein nitra, a ean e zou dign de vout câret, hac e juge guement-cé revé er ræson, ha surtout revé er sclerder surnaturel e ra dehai er Speret santel ean-memb, pé er ré en dès laqueit de hober en é léh.
Mæs remerquet penaus en avertissemant men e zou gùéhavé necessæroh é mar a actioneu dianvès, peré e zou mat dré ou nature, eveit é réral distéroh, rac æssoh en hum dromper guetai, ha rac rai brompt hac hemp avisal é her dehai. Ne faut quet enta hum ingagein én hai el un dal, que ne faut meit ur circonstance hemp quin ag er hours pé ag el léh, mar bé lausquet de bassein ; eveit couciein tout, ha mem erhoalh ne pas gober en treu én ur certèn fæçon pé revé en ordre ag en aboeissance, eveit commettein fauteu bras, el m’en disco exampl hilleih peré en dès hum gollet ér hargueu hac én exerciceu er ré santellan.