| ◄ Aviseu aral forh profitable eveit goud er fæçon de gombatal erhat, peh anemiset e telier attaquein, ha dré peh vertu e eller ou feahein. | A vitin é teli ur soudart crechein hum breparein d’er hombat. | Ag en ordre e zou ret goarn ér hombat einep d’er goal-inclinationeu ha d’er viceu. ► |
Er hombat spirituel/Chapistre 16
CHAPISTRE XVI.
A vitin é teli ur Soudart crechein hum breparein d’er hombat.
R hetan tra e zou ret teoh gober a pe zihunet, é digueor deulegat en inean hac hum gonsiderein él abarh en ur place a gombat, é presance hou anemis hac én necessité pé de gombatal, pé de hum gol eveit jamæs. Laqueit enta én hou isprit en anemis hont, pehani nen dé nitra quin meit ur vice, pé un inclination disordre, a behani é clasquet hum zizober a oudé ur certæn amzer ; laqueit én hou esprit hoah ur uèh er monstre furius-zé pehani e za deoh eit hou tivorein. Ér memb amzer
laqueit én hou speret én tu diheu Jesus-Chrouist hou chef ha ne èll quet bout jamæs feahet, hac én é gompagnoneah Marie ha Joseb, un nombre bras a Ælet hac a Sænt, hac é spécial en arhæl glorius sant Miquel ; én tu clei Lucifer guet é gonsortet ér resolution de secour er goal-inclination-hont pé er vice-hont doh pehani e hoès de gombatal, ha de hober ou fossibl eit hou laquat de gouéh én hou.
É tretant chonget é cleuet é creis hou calon bouéh hou Æl-gardien é laret teoh : Hiriue é éma ret teoh gober hou ol possibl eveit feahein en anemis-hont hac ol er ré en dès complotet einep teoh. Beah courajus-mat ha n’hum lausquet quet de vout feahet na dré un donjeance væn, na dré gonsideration erbet, ne vérn pé sorte vehai, rac Jesus hou chef e zou aman étal deoh guet soudardet en armé a zerhlué, én intantion d’hou tihuèn einep de ol er ré e ra brésel deoh, ha ne bermetou jamæs ma teint de bèn a hou laquat édan ou fuissance, na dré vil, na dré gair. Dalhet ferm, ha deusto d’er boén e gavehet, hum gontraignet : ag en dondæt a hou inean criet dermaha Doué, pedet de bép course Jésus ha Marie ; pedet en ol Sænt d’hou secour, ha ne veah quet én arvar goudé en dra-zé é hounidehet er victoér.
Deusto peh quer goan en hum gavehet, deusto peh quen terribl é ellehai bout hou anemiset dirac hou teulegat dré ou nombre ha dré ou nerh, ne zouget nitra : rac er soudardet peré e za ag en Ean d’hou secour e zou brassoh é fæd ag en nombre eveit er ré e zegasse en ihuern de lemel guenoh er vuhé spirituele. En Doué pehani en dès hou crouéet ha pehani en dès hou prenet e zou oll buissant : ean hou câr, ean hou tihuèn, ha mui a zesir en dès d’hou sauvein, mui hemp comparage eveit en dès en drouc-speret d’hou col.
Combatet enta guet vaillantis, hum vortifiet hemp cess ha ne scuéhet quet ; rac en ur ober ur brései continuel d’hou coal-inclinationeu, ha d’hou fal accustumanceu, hui e zougou anfin er victoér, ha dré éno hui antréou é ranteleah en Ean, é peh léh e chom en inean perpet joentet doh é Zoué. Commancet a vreman combatal é hanhue en eutru Doué, en ur guemer eveit gléan ha diréen en difiance a hanoh hou hunan, er gonfiance é Doué, en oræson, en exercice santel a hou puissanceu spirituel.
Guet en armeu-zé hui attaquou en anemis, de laret é, er goal-inclination mignon hont e fal deoh feahein pé dré un disprisance courajus, pé dré un dihuèn ferme, pé dré acteu e rehet liès ag er vertu contrel dehou, pé anfin dré voyandeu aral e rei Doué deoh eveit en distrugein aquerh en hou calon. Ne guemeret quet a repos que ne vou feahet teoh a grén ; hui e velitou dré hou perseverance receu er gouron a zeorn er juge souveræn pehani guet ol er ré ag er Baraouis, e vou test a hou combat.
M’el lar deoh hoah ur uéh : ne zeliet quet hum annaiein ag er brésel-zé. Consideret hemp quin éma obliget en ol dut de chervigein Doué ha de hober ou fossible eit pligein dehou ; éma a hènt aral un necessité combatal, pe n’eller quet monet ér gasse hemp danger de vout blesset, ha memb de gol er vuhé ; hac arlerh tout, hac é cârehai un dein hum revoltein énep de Zoué, héliet er bed ha pléguein dehou, hum abandonein de blijadurieu er squendeu naturel, ne vehai quet nehou exant a boèn, rac m’en devehai perpet d’andur hilleih hac én é gorf, hac én é inean, eveit rein coutantemant d’é goal-inclination, ha ambition. Hac ean e zou brassoh folleah eit bout hemp dougein ér bed-man poénieu forh ruste, arlerh peré é hès un éternité a dourmant, ha dougein un nebedic souffranceu distér assès arlerh peré é hés un éternitè a vonheur, hac ur repos é pehani e jouisser a Zoué eveit birhuiquin ?