| ◄ Ag en ordre e zou ret goarn ér hombat einep d’er goal-inclinationeu ha d’er viceu. | É peh fæçon é telier mouguein dirangemanteu sontil er goal-inclinationeu. | É peh fæçon éma ret combatal einep d’er pehet a baillardegueah. ► |
Er hombat spirituel/Chapistre 18
CHAPISTRE XVIII.
É peh fæçon é telier mouguein dirangemanteu sontil er goal-inclinationeu.
A nen doh quet hoah accustumet mat d’andur guei patiantæt en anjulieu, en affronteu hac er poénieu aral ag er vuhé-man, hui hum accustumou doh-t’hai é tihoal doh-t’hai é rauc, ha doh hum breparein a ziabel eveit ou receu. A pe hou pou enta examinet peh natur en dès er goal-inclination hont pehani hou tourmant davantage, hui e sellou goudé doh peh tut en e hoès affær, doh el lèhieu ha doh en occasioneu é peré en hum gavet ordinæremant, ha hui e hanàuou dré-zé er goal e éll arriue guenoh.
Mar arriue guenoh un accidant soubite benac, opèn ma chervigeou hilleih deoh hou pout éuéheit mat é rauc doh mortificationeu ha poénieu er sorte-zé, chetu hoah ur moyant d’en andur æssoh. Quentéh èl ma hum santehet distéran tra tæret eveit un anjuli e vou bet groeit teoh, eveit un affliction arriuet guenoh hac a behani ne ouéah quet ingorto, dihoallet dohoh, n’hum lausquet quet de monet d’er chagrin ; chonget quenteh a sehuel hou calon dermaha Doué, ha consideret penaus en accidant-hont e zou un taul ag en Ean ; éma degasset deoh a berh Doué, en tad-hont quer mat, èl ur moyant d’hou purifiein muioh-mui, ha d’hou joentein stertoh doh-t’hou, hac é vourre bras doh hou cuélet é souffrein guet joé en trebilleu er ré vrassan a balamor dehou.
Goudé en dra-zé distroeit dohoh hui-memb, hac hum demallet èl ma velitet. Lache ma ous, penaus e hès-té quer bihan a gourage na ellès quet douguein ur groès e za d’id non-pas aberh en dein-ma, pé aberh un aral, mæs abarh ha dat pehani e zou én Ean ? En ur sellet goudézé er groès, receuet-hi non-pas hemp quin guet aboeissance, mæs meme guet joé, en ur laret : O croès en dès preparet teign er Brovidance divin quênt ma oen gannet ; croès douçoh guenein eveit en ol plijadurieu naturel, abalamor d’em Jesus crucifiet, staguet-mé a vreman dohoh eit ma ellein dré-zoh bout joentet doh en hani en dès me frenet én ur verhuel étré hou tivrèh.
Mar hum gavet troublet dré er goal-inclination én ur fæçon n’ellet quet agrèn seuél hou speret dermaha Doué, ha mar en hum sante memb hou volanté un draïc benac goah ag en houlad-cé, dihoallet mat ag el lezel de monet pelloh, ha deusto d’en disorde e ellehai en devout groeit én hou calon, groeit hou possihle attàue aveit er feahein en ur oulèn guet tuemder er secour ag en Ean. Arlerh tout, er moyant surran eit arrestein sailleu quetan er goal-inclinationeu, é assaïein abret mat lemel er pèncaus a nehai. Mar remerquet, par exempl, penaus en hum laquet é coler sel guèh ma venner lemel guenoh un dra benac doh pehani é oh staguet, torret er stague-cé, ha hui e joissou perpet ag ur repos parfæt.
Mæs mar da en trouble e santet, nepas ag ur garanté disorde eveit un dra benac agréabl, mæs ag ur hâs naturel doh un dein é pehani tout e ra poèn deoh ha pehani e zisplige teoh é obéreu er ré distéran, er guellan remæd d’en drouc-zé é ma rehet hou possible eit cârein en dein-zé en drespet d’er hâs naturel e hoès doh-t’hou, hac eit er hârein non-pas hemp quin rac mèi ur hrouaidur de Zoué, ha prenet dré oaid precius Jesus-Chrouist, quer clous èl-oh, mæs rac en ur andur é zefauteu guet doustér, é ellehet donnet haval doh en tad ag en Ean pehani hun hâr é général hac e ra vat d’omp ol.