| ◄ Ag en usage vat a squiendeu er horv, ha penaus é eller hum chervigein a nehai eit contamplein en treu divin. | Penaus en treu sansibl hun secour de chongeal ar mysterieu buhé ha passion hur Salver. | Moyanteu aral d’ober, revé en occasioneu, un usage vat ag er squiendeu naturel. ► |
Er hombat spirituel/Chapistre 22
CHAPISTRE XXII.
Penaus en treu sansibl hun secour de chongeal ar mysterieu buhé ha passion hur Salver.
ISCOEIT em ès deoh penaus é eller contamplein er splander a vajesté en eutru Doué en ur gonsiderein en treu ag er bed peré e sco én hur squiendeu. Desquet breman hum chervigein ag er memès treu-zé eit laquat én hou isprit er mysterieu sacret a vuhé hac a bassion hur Salver. Nen dès nitra guel abarh er bed de zegasse chonge a nehai.
Consideret enta hemp quin éma Doué èl m’hun ès ean laret, er pèn caus a guement tra zou ol, éma ean en dès guet ur gomps crouéet quement tra zou ol, en dès reit d’er ré noplan a nehai memb er vravité hac ol er perfectioneu ou dès. Admiret goudezé madeleah infinie er mæstre-zé drest en ol pehani en dès priset hum zeval bet-ac hum hober dein, hac andur ur marhue méhus eveit hou salvedegueah, én ur bermettein d’é vugalé prope complodein einep dehou eit er hrucifiein. Mæs mar fal deoh considerein é boénieu hac é souffranceu en eil goudé éguilé, troeit d’en tu e gârehet, hui e uélou limageu a nehai.
Par exampl, mar guélet armage, fouetteu, querdat, spern, corzenneu tacheu, marholleu, hui e represantou en hou chonge er ré é zou bet instrumanteu é bassion hac é varhue. Un ti peur e rei deoh chongeal ér hreu hac én offe é pehani é ma bet gannet. Er glàu e gouéh ag en aibre hac e rid ar en doar e zegassou chonge deoh ag er riolenneu goaid guet peré é arrousas er jardrin a Olivet : ol er vein e vou eveit oh limageu ag er ré en um feutas a pe varhuas. En ur sellet pé en heaul, pé en doar ; hui e chongeou penaus a pe varhuas en doar e greinas hac en heaul e sclypsas. A pe uélehet deur, hui hou pou chonge ag en hani e ridas a é gosté ; hac èlsé a gant tra aral peré hum bresentou dirac hou teulegat.
A pe ivet guin, pé un ivage benac aral, chonget ér guinaigre hac er veistre e oai bet presentet d’hur Salvér d’ivet. Mar quemeret rai a blijadur guet er vlas ag ur frondage benac, laqueit én hou isprit goal-vlas er horveu marhue e santas ar er Halvar. A peu hum uisquet, consideret penaus a bout e oai mab Doué, Doué a ol viscoah, quer bras, quer puissant, quen ancien avel Doué en tad hac er Speret-santel, ean en dès guisquet hun natur eit hun guisquein a é zivinité. A pen hum ziuesquet, chonget en er guélet diusquet ha nuéahpill étré deorn é vourreauïon, eit bout fouettet ha staguet doh ur groz a balamor teoh. A pe gléuet un trouz vourble benac, credet é cléuet cri horrible ur bobl counaret einep de Jesus hou eutreu : Lamet ean ag er bet ; lamet ean ag er bet ; crucifiet ean ; crucifiet ean.
Sel guéh ma sonnou en orloge, chonget én dessereah hont a galon é santas Jesus ér jardrin, a pe greinas guet dougeance é uélet en tourmanteu cruel e oui preparet dehou ; petremant chonget en tauleu en orhol e rai dehou er soudardet a p’en tachènt doh er groéz.
Anfin ne vern peh sorte poén hac anquin e arriuou guenoh, pé é uélehet é arriue guet er réral, beah assuret nen dint nitra é scoé er ré e anduras hou Salver hac en é gorf, hac en é inean durant e bassion.