Er hombat spirituel/Chapistre 30
CHAPISTRE XXX.
Ag er ré e fari é chongeal querhet én hènt a berfection.
PE vé bet feahet en anemis ér hetan attaque hac én eil, n’abandonne quet en armage eit en dra-zé ; un drivet attaque e ra hoah ; ean e ra é bossible eit gober demp ancoéhat er viceu hac er goal-inclinationeu peré e ra demp quement a boén, hac eit laquad én hun isprit resolutioneu væn a zivoud ur berfection beta pehani é ouair erhoalh n’arriuéhemp jamæs. Er peh zou caus demb receu de bep cource tauleu mortal, ha ne chongeamp quet a remedein dehai, rac haval vé guenemp éma un dra henac en desirieu hac er resolutioneu-zé, a bout nen dint nitra, ha dré un orgueil segret é cavamb bout avancet mat ér berfection. Rac-cé n’ellamp andur en distéran poén, nac en distéran anjuli, ha neoah n’hum abusamb durant en oræson é quemer picquol resolutioneu d’andur en tourmanteu horriplan, ha memb er poénieu ag er Purgatoér a balamor de Zoué.
Er peh hun trompe é, na zouge quet calz hun horf er souffranceu peré e zou pêl dohomp, ha ma credamb arzé hum gomparagein doh er ré e souffre é guirionné poénieu bras guet ur batiantæt vras. Mar fal demp évehat doh ur lace quen dangerus, damp d’er hombat, ha groamp brésel doh quement a anemiset peré e zou tro-ha-tro demp ha peré hum guemer dohomp a dost. Hanàuet e rehemp drézé a lache pé calonec, a féentus pé sincèr é bet hun resolutioneu mat, ha moned e rehemp d’er berfection dré er gùir hènt en dès merchet demp er sænt.
Aveit en anemiset peré ne rant quet demb ordinærement er brésel, n’hum laquamp quet calz é poén de zihuèn doh-t’hai, meit ha ni e uélehai é sàuehent einep temp ur hours penac hac é certein occasioneu. Rac eit hum laquad ér stad da zihuén doh t’hai, é teliamp hum assurein abret-mat, dré resolutioneu ferm, de zonnet de bèn a nehai.
Mæs deusto péh quer ferm é cavehemp er resolutioneu-zé, n’ou honsideramp quet èl victoérieu ; a bout en hur behai pratiquet er vertuïeu durant ur certein amzer ; hac en hur behai profitet hilleih én hai, hum zalhamp attàu én humilité ; dougeamp hun fragilité é quement tra zou ol ; hum zifiamp a hanomp-ni-memp, ha laquamp hur honfiance é Doué hemp quin, pedamp ean liés de reign calon demb ér hombat, d’hun goarantein doh peb sorte danger, de vouguein é spécial én hun haloneu peb santimant a fionnage hac a gonfiance én hun nerh. Guet en dra-zé é ellehemp bout ingortos a avance larg-mat é perfection, deusto ma chom guenemb a henderal defauteu distér de ziouriennein, ha peré e dèn hilleih a boénieu demp ; liès Doué ou lausque guenemb eveit hun humiliein, ha conservein dré éno er péhiq a veliteu hun és gouniet dré hun œvreu mat.