| ◄ Ag en amzer e zeliamp laquad eveit hur bout peb vertu, hac ag er mercheu ag er profit e dennamp a nehai. | Ne zelier quet desirein rai bout delivret ag en affliction e andurer guet patiantæt, hac é peh fæçon éma ret reglein hun desirieu. | Penaus é eller um zihuèn azoh finesseu er goal-speret, a pe laqua én hun pèn devotioneu diavis. ► |
Er hombat spirituel/Chapistre 41
CHAPISTRE XLI.
Ne zelier quet desirein rai bout delivret ag en affliction e andurer guet patiantæt, hac é peh fæçon éma ret reglein hun desirieu.
P’EN hum gavehet én un affliction benac, ne vern pé sorte vou, ha m’en
andurehet guet patiantæt, dihoallet mat a cheleuet nac en diaul, nac er garanté dohoh hou hunan peré e laqua én hou calon desirieu rai vras de vout delivret ag er boén-zé ; rac hou tipatiantæt e vehai caus de zeu zroug bras ; unan, a bout ne golleheoh quet nezé aquerh en accustumance ag er batiantæt, en dra-zé e vehai attàu un disposition d’er vice contrél ; en aral, hou patiantæt ne vehai meit unan darn, ha n’hou pehai recoupanse meit eit en amzer m’hou pehai bet hé fratiquet, é léh neoah desirein soulagemant, p’hou pehai pléguet a volanté vat édan volanté Doué, a bout nen devehai padet hou poén meit ur hart-ær, Doué hou recoupansezai a gaus dehi, él pe vehai bet ar souffrance a hir amzer.
Quemeret enta eveit regle général é quement tra zou ol desirein hemp quin gober volanté Doué, ha ma vou hou ol desirieu revé Doué hac a balamor de Zoué ; dré er moyant-zé éteint de vout just ha santel, ha ne vern petra arriùei, non-pas hemp quin é vehet tranquil, mæs joueissein e rehet ag ur houtantemant parfæt ; rac èl n’arriue nitra ér bed-man meit dré volanté Doué, ma ne gâret nemeit er peh e gâr, hui hou pou tout er peh e zesiret, rac n’arriuou nitra nemeit revé hou volanté.
Er peh e laran nen antander quet, gùir é, a behedeu en nessan, nac a hou ré, pen dint casseit guet Doué ; mæs en antandein e rer a bep sorte poénieu, deusto ac int e zou eit hou punissein a hou péhedeu ; pé aveit approuvein hou vertu, a bout e vehai hou calon trezét guet glahar ha ma veheoh memb é danger de gol er vuhé dré en arbèn a nehai ; rac Doué e ra ordinærement croëzieu er sort-cé d’é amiet gùellan.
Mar clasquet un douçadur benac d’hou poén, ha mar hum cherviget eveit en dra-zé a voyanteu commun, hemp donnet de bèn a gavouet soulagemant, ret é bout ér resolution d’andur guet patiantæt un drouc de behani ne huès quet guellet remedein. Ret é mèm ma hum chervigehet ag er moyanteu-zé peré a nehai ou hunan e zou mad, hac a beré Doué e vèn ma hum chervigehet a p’hou pou dober ; ha ne faut quet m’hou pou ræson erbet quin d’en hum chervigein a nehai, meit rac m’éma volanté Doué, ha non-pas dré garanté eveit oh hou hunan, na dré en desir rai vras d’um zelivrein ag er souffranceu.