Er hombat spirituel/Chapistre 63
| ◄ Penaus éma ret um breparein d’er hombat einep d’en anemiset e um guemer dohomp ér momant ag er marhue. | A buar sorte tantationeu e arriue ér momant ag er marhue, ha da guetan ag en tantation einep d’er fé, hac ag er fæçon de resistein doh en tantation-zé. | Ar en tantation ag en disespoér, ha penaus é eller dihuèn doh en tantation-zé. ► |
USTUM en dès anemiset hun salvedigueah d’hun néhancein ér momand ag er marhue dré buar sorte tantationeu dangerus. 1.° Dré zoutanceu ar en treu ag er fé. 2.° Dré chongeu a zizespoër. 3.° Dré santimanteu a vanité. 4.° Dré bep sorte visioneu faus a beré en hum chervige en isprideu-zé a dihoeldæt eit hun trompein.
Eveit er péh e séel er hetan tantation, mar lar deoh en anemis un devis benac faus, ha gùir en apparance, dihoallet mat a zevis guetou, hum goutantet a laret dehou guet un drespet santel : Hum dènn a vaman, Satan, tad guèuïat, rac ne vennan quet memb ha chéleuet, erhoalh é deign credein ol er péh e gred en Ilis santel Romæn.
Dihoallet ehué a hum arrestein ar certein chongeu peré e zèi én hou isprit ha peré, haval vou guenoh, e vou mat d’hou creihuat ér fé : péelleit-hæ èl soliteu er goal-isprit pehani en dès intantion dreno d’hou ç’ambarassein ha d’hou laquad a nebedigueu de ræsonnal guetou. Ma nen doh quet mui é stat d’en hum zizober ag er chongeu-zé, mar dé dejà sorbet hou isprit guetai, beaih ferm, ha ne cheleuet nac er ræsonieu nac er hompseu e larou deoh en anemis, hac é vehent-int ré tennet ag er Scriture santel ; rac ne vern péh quer splan ha péh quer certein é tiscoeint bout, darnet veint, pé fal laret, pé distroêit ag ou antand veritable.
Mar goulèn enta guenoh er goal-isprit petra e gred en Ilis Romæn, ne ret dehou respont erbet ar en dra-zé, mæs èl ma ouïet nen dès quin intantion meit d’hou pammein ha d’hou laquad de fari ar ur guir benac a zihue antand, groêit hemp quin é general un acte a fé ; pé mar fal deoh el laquad d’en devout mui a zrespet, respondet dehou penaus en Ilis e gred er uirioné-zé, ne respondet dehou nitra quin meit éma er péh e gred en Ilis. Hou péet soign drès peb tra ma chommèi hou calon staguet doh er groez, ha laret de vab Doué : O me Hroéour ha me Salver, secouret-mé pront ha ne béellet quet doheign, guet eun mar péellehen a zoh er uirioné e huès anseignet teign ; hac a pe huès groêit teign er græce de vout gannet én hou Ilis, groêit teign uhué er græce de verhuel én hi, eit hou prassan gloër.