Er hombat spirituel/Chapistre 71
| ◄ Aveit possedein er peah-cé, en inean e zeli hum zizober a beb consolation. | En inean e zeli hum zerhel é hunan ha distaguet doh quement tra zou eit ma rèi Doue abarh el ma pligeou guetou. | Ret é bout aviset mat é caranté en nessan eit ne vou quet troublet peah en inean. ► |
AR hanàuamp en istim e zeliamp gober a hun inean èl ag un tampl destinet eit damurance en eutru Doué, dihoallamp ma hum gavou én hou tra erbet quin ; esperamb é Doué ha gortamb é zonnedigueah én hou guet confiance ; antréein e rèi abarh mar er hav é hunan ha distaguet doh quement tra zou, é hunan, hemp chonge erbet quin meit d’er receu ; é hunan, hemp desir erbet quin meit en hani d’é bresance ; é hunan, hemp caranté erbet quin meit é hani ; é hunan anfin, hemp volanté erbet quin meit èl ma pligeou dehou.
Ne hroamb nitra extraordinær dré hun pèn hun hunan, eit bout dign de logein én-omp en hani ne fehai quet er bed antier er chairrein.
Héliamb pas-ha-pas hur honduour ; ne guemeramb na labour, na poén erbet e bligeou demb eit en offrein de Zoué, hemp avis hun tad spirituel.
Erhoalh é ma talhehemp hun interior perpet prest ha disposet d’andur a balamor dehou ol er peh e bligeou dehou hac ér fæçon ma pligeou guetou.
En hani e ra er peh e sour guetou e rehai gùel discueh ha lezel er vajesté divin de hober én hou er peh e garou hi.
Hun volanté ne zeli jamæs antretenein angagemant erbet, mæs bout perpet libr ha distaguet aquerh doh quement tra zou ; hac a pe ne faut quet jamæs gober er peh e zesirer, beamp certein hac assuret ne faut desirein nitra ; pé mar desiramb un dra benac, ret é ma vou en ur fæçon ma ellou er hontrel d’hun desir lezel hun isprit quen tranquil èl pe n’hum behai desiret nitra.
Hun desirieu e zou hun stagueu ; bout staguet doh-t’hai e zou bout sclaf ; mæs bout hemp desir erbet pé bout diari, distag doh-t’hai, e zou bout libr.
Doué e oulèn ma vou hun inean èl-cé é hunan-cair, nuah ha libr eit ma rèi abarh é vurhudeu, ha m’el laquèi é gloër en ean, quasi ag er vuhé-man. O dirrou santel ! O deserh eurus ! O hermitage glorius é peré en inean e èll en devout quen æs er joueissance ag é Zoué ! Ne ridamp quet hemp quin d’éno ; mæs goulennamp divasquel ur glom eit neigeal ha quemer ino ur repos santel. Nen hum arrestamp quet én hènt d’éno, ne bassamp quet en amzer é saludein dein erbet ; lausquamp er ré varhue d’interrein er ré varhue, de zoar er ré vihue é hamp, nen domp quet ni partage er marhue.