Er hombat spirituel/Chapistre 86
| ◄ Acteu necessær ér hlinhuet deuéhan. | Pedenneu durant en Overen. | Gospereu er Sul. ► |
Groeit hou possibl eit monet bamdé d’en Overen ; ma n’ellet monet dehi, cleuet hi ahoel a speret hac a galon ag el léh ma vehet.
En Overen e zou er sacrifice ag er Groez offret a neue. Querhet enta d’en Overen guet fé ha devotion, èl pe yeheoh d’er Halvar.
En Doué, preparet me speret ha me halon dré hou cræce, aveit offrein deoh er sacrifice adorabl ag en Overen guet Jesus-Chrouist, dré Jesus-Chrouist, ha guet er beleg ; de guetan, aveit adorein hou puissance ; arlerh, aveit hou trugarecat ag en ol vad e huès groêit aveit omb : goudé, aveit goulen pardon a me ol péhedeu : hac anfin, aveit goulen guenoh, dré veriteu Jesus-Chrouist, en ol græceu ha secourieu a beré em ès dober eit er horf hac aveit en inean. Me renonci a galon d’en ol chongeu aral e ellehé donnet ém speret.
En Doué, ne veritan quet donnet dirac oh, rac ma hon ur pehour, hac er pehour e verit bout eit jamæs separet doh-oh. Mar quemeran en hardehtet de dostat deoh, ô men Doué ! donnet e ran guet er vrassan humilité ma hon capabl, aveit goulen pardon a me ol pehedeu, dré er merit ag er sacrifice adorabl men, en dès offret deoh Jesus-Chrouist ar er groès, hac e renehué hoah aveit omb ar en autér, dré zourn er Belêg.
Me Jesus, veganet édan er bouis a hun pehedeu ! groeit ma teïe bed me halon ehué er gontrition vras en dès deuhantéret hou calon divin, ma vou delivret m’inean hac hani en ol peherion, ag er pehet miliguet.
Me Jesus, lein a garanté ! Judas hou trahis dré ur bocq ér Jadrin Olivet ; ha hui er galhue hou çami ! Brasset
é hou touster, brasset é me malice ! Æsset e coleran-mé, æsset e teran-mé bamdé, ha diæsset e cavan-mé pardonein ! Douce Jesus, mouguet ém halon en ol caz ha malice doh me nessan, eit ma ellein ehué esperein er pardon dré hou misericorde.
Ou péet truhé doheign, Tad éternel, rac ma teziret salvediguéah me inean ; hou péet truhé doheign e oulèn græce : hou péet truhé doheign, Speret-santel, rac collet vein, ma n’em secouret.
Oué lein a hloër, groeit teign gober ar en doar er péh e ra en Ælet ér baraouis : groeit ne ziguorein men guineu nameit aveit hou mêlein, ha gober d’antand d’en ol péh quer bras é hou madeléah ha hou misericorde : groeit ma reign de hanàuein de peb-unan er garanté e huès bet aveit omb, a pe huès golhet hun pehédeu é goaid hou Mab a garanté.
Esus me Salvér, guet ur sél hui e laquas Pierr de ouilein é behet : brasset é en nombr ag er ré em ès groeit ! Taulet arnan
ur sél a druhé, touchet me halon, convertisset-mé, reit teign en donæson précius a hou caranté ; reit er memb græce d’er Belêg e offre aveit omb er sacrifice adorabl-zé.
Esus goleit a scop, mâlet a dauleu hac a jottadeu, decriet èl un torfaitour ! mé é, me Salvér, mé é er hriminel : mil guéh davantage e veritehen souffrein. Reit teign, men Doué, er græce d’andur guet patiantet en ol poénieu ag er vuhé, hac en ol drouc, anjulieu, dommage e ellehai bout groeit teign, acelfin ma ellein monet d’er joéyeu ag en éternité, e huès grateit d’er-ré en devou hou quemeret aveit scuir durant hou buhé.
E zeliehai, ô men Doué, réglein mem buhé revé er péh e ansaignet demb én hou ç’Aviél : mæs, allas ! me ouair er péh e fal deoh, ha mé ne ran meit er péh e soul guenein : hui e zihuen doheign hou ç’offansein ; hui e gommand deign hou carein hemp quin ; ha me ne garan meit-on me hunan. Aveit hou ç’héli, red-é andur tout güet patiantet : ha mé, en distéran poén em disconfort. Aveit arriue béd-oh, red-é
querhet guet courage dré en hent diæz : ha mé, me glasq attàu me æzemant. Doué ol-buissant, scrihuet hou lézen santel ém speret, eit ne chongein mui meit én-hi ; laqueit hi ém halon, eit ma sentein doh-t’hi guet courage. Sàuet-on, men Doué, éit discoein er respet e mès aveit hou ç’Aviél, ha prest-on d’aboessein deoh, hac e vehai diar goust mem buhé.
E gred ehué, me Jesus, e hoh guir Mab de Zoué, hac é cuhet er vrastet a hou puissance hac a hou majesté ér Sacremand adorabl ag en Autér. Me gred ferm ol er péh e huès revelet d’hou ç’Ilis. Re-vehet de jamæs trugarecait en devout reit teign er græce de vout gannet a dut chrechén ha catholiq, hac en devout, dré er Vadiènt, me receuet én hou ç’Ilis, ér méz a behani nen dès quet a salvedigueah. Groeit, men Doué, ma vihuein revé er fé, é pehani é teziran merhuel.
Resquet men devotion, ô Speret-santel, rac e ha er Belêg de lacat ar en Autér er memb hosti, e zou bet guéharal sacrifiet ar er groès. Receuet ehué, m’hou
supli, ô men Doué, er sacrifice e offran deoh a hanan, hac a ol er péh e mès. Sellet doheign guet truhé, a balamor de gorf ha de oaid précius hou Mab beniguet, e yamb de offrein deoh dré zeourn er Belêg.
Æs allas ! en offr e ran deoh a hanan me hunan ne bligeou jamæs deoh, ô men Doué, ma n’en dé pure dérac ou teulegat : m’hou supli enta d’em golhein muioh-mui dré en deure a hou cræceu : netteit me halon, santifiet m’inean, ha reit-teign courage de hum purifiein dré ur guir penigen, ha dré en dareu ag ur glahar santel. De Jesus-Chrouist hemb quin é acordet en ol græceu e ret demb : dré Jesus-Chrouist ehué, men Doué, en ou goulennan guenoh.
Bed miliguet, perac en e mès-mé cheleuet te vouéh, ha heliet te gustumeu fal ? Gouniet e hés beta bermen me halon, pehani ne oai quet groeit aveit hous ; quer ponner en e hès hi lacait dré en desirieu ag en doar, ha dré er faus joyeu, que n’hi dès quet mui a nerh de hum sehuel tremaha un Doué leine a
vadeleah, pehani e zeliehai perpet gober hi ol joé ha coutantemant. Mæs hinihue, bét maleurus, e tennan a dré te zeourn me halon, e poai gouniet aveit hi hol de jamæs : aveit-oh hemb quin éma crouéet, ô men Doué ; deoh hemb quin en hi ran ehué hemp partage, hac eit jamæs.
Antel, santel, santel é un Doué é tri person, mæstr general a bep tra ; Doué ol-buissant, en ean hac en doar e zou leine a hou cloër ha majesté. Ælet eurus er Baraouis, mêlet de jamæs en Drinded adorabl. Gloër, inour ha bénédiction de Jesus e zisquen bed-omb a berh é Dad.
Ui e zoug hou croès, ô me Jesus, hac e ya de verhuel ar nehi dré garanté aveit-omb ! Reit demb er græce de zoug hun ol croézieu guet courage, de vihuein ha de verhuel ehué aveit oh dré garanté.
M’hou ped ehué, men Douè, aveit hun mam santel en Ilis, aveit er Pab, er Roué hac er Ranteleah a France, aveit en eutru Escob a Uéned, aveit me hérent, m’amiet, hac aveit en ol de beré en e mès obligation, hac eit peré e hon obliget de bedein. Er græce-zé e oulennan guenoh dré intercession er uériès glorius Vari, ha dré veriteu en ol Sænt ha Martyret.
H ! reit-teign, mar plige guenoh, ô me Jesus, dré ganveu hou Mam santel, ha dré hou ceré-hui, ur gompassion continuel doh hou tourmanteu, hac hou patiantet ha hani er uériès Vari ém ol misérieu.
Mé é, ô Tad éternel, mé é dré me fejedeu e verite er marhue ha tout er bouiz a hou vengeance : mæs Jesus, hou Mab carantéus e ya ém léh, hac e varhue aveit on. Pardonnet-mé, men Doué, ne gollet quet me inean e zou coustet quer kir d’hou mab Jesus.
Douce Jesus, rêin e ret hoah bamdé ur merche scler a hou caranté en un hevér. Hui e hum offr hoah bamdé aveit-omb dré zeourn er Belêg. Ya, me Salvér, me gred é hoh amen presant ér sacremant ag en Autér : m’ou çador, m’ou çhanàu aveit gùir Doué ha gùir deine : én-ah hemb quin é esperan, hui hemb quin é garan.
Jesus me haranté, adorein e ran hou Coaid precius. Mil bennoh e ran deoh en devout ean scuillet aveit-on. Goaid adorabl me Salvér, guelleit-mé, purifiet-mé, sanctifiet-mé.
Oué ol-buissant, taulet hou sél ar en Autér, inou é offrer deoh hou Mab uniq marhuet, hac é oaid scuillet aveit-omb. Er goaid précius-zé ne gri quet vangeance einep temp, mæs e oulen græce ha pardon aveit omb, peherion miserabl. Desarmet hou justice, ô Tad éternel, distannet hou coler, ne sellet quet doh hun pehedeu, sellet doh Jesus hou mab ha hun Salvér : é bassion e gonz aveit-omb ; é oaid e oulen ma vehemb salvet
E offr deoh ehué, men Doué, er sacrifice adorabl-men, a behani er bris e zou hemb fin, aveit en ol e zou ér Purgatoér, sur-tout aveit repos ineanneu me hérent, m’amiet, aveit er-ré e souffr a gaus teign, hac aveit m’anemiset.
Ou peet truhé ehué doheign, pehour ingrat, ne refuset quet deign hou misericord. Gùir é, me fehedeu e verit en ihuern ! mæs, ô men Doué ! ha cesset e huès hui a vout me Zad, rac em ès ancoeheit e hoen hou croaidur ? Ha mar em ès groeit tout er péh e èll men dânein, ha collet e huès-hui tout er pèh e èll me salvein ? Pardonet-mé enta, men Doué, eit ma ellein hou çadorein ha hou mêlein de jamæs én Ean.
Laret ehué : Hun Tad pehani zou én Ean, etc.
Me Jesus ! é verhuel aveit omb, hui e huès reit temb er vuhé : hui e huès bihuet, hac e zou marhuet aveit-omb : reit temb er græce de vihuein ehué, ha de verhuel aveit oh dré garanté.
E Salvér carantéus, reit sclerder d’em speret, touchet me halon dré er brassan glahar, delivret-mé a sclavage er pehet, convertisset-mé, abraset-me dré en tan santel a hou caranté, consolet-mé ém ol trébilleu, secouret-mé ém ol poénieu.
Reit-teign er græce de vihuein é peah guet me nessan, ha guenein mé memb.
A me gredehai hou pedein, ô me Jesus, de zonnet ém halon ! Ah, sihoah-teign, n’er meritan quet ! ur miserabl pehour èl on, a ean ellehai tostat d’un Doué quer pur ha quer santel ? Neoah, me Jesus, hui e ra ol joé me halon, n’ellan quet bihuein hemp oh : hac a pe ne mès quet er honsolation d’ou receu ér sacremant ag en Autér, groeit ma communiein ahoel dré en dezir em ès d’ou receu ; disquennet ém halon dré hou cræce. Laret ur guir, ha m’inean e vou soulaget én hi ol miserieu.
Onsolet-mé ehué, m’hou supli, ô men Doué ! Acordet-teign er græceu a beré e ouzah en em ès dober, er græce a zevotion, en humilité, er charité, er burtet. Reit-teign ur gùir glahar a me fal vuhé passet, ur volanté courajus d’ober penigen, un dezir bras d’hum salvein, hac un hirreah Santel d’ou guélet én Ean. En ingorto en em secourehet, ô men Doué, é quemeran er resolution de guittat en ol pehedeu, hac
en ol occasioneu a nehé, ha guel vehai guenein merhuel aveit hou çoffansein.
Eit hou penediction, men Doué, d’er resolution-zé e guemeran, eit ma vihuein fidel deoh er rest a mem buhé, ha ma vein eurus guenoh durant un éternité. É hanhue en Tad, hac er Mab, hac er Speret-santel. El-cé revou groeit.
Esus me Salvér, disquennet ag en Ean aveit discoein demb en hènt de monet d’énou, ne bermettet quet ma collein jamæs dré er pehet en inour a vout croaidur de Zoué, hac héritour d’er Baraouis. Én-ah e lacan me ol confiance, rac ma hoh men Doué ha me Salvér ; ha me zou ingorto e rehet deign, dré hou misericord er græceu necessær eit condui santelemant mem buhé, ha querhet attàu dré en hènt ag en Aviél. Hennéh é mem brassan hoant ha desir, eit pehani é hon crouéet.
’Hou trugareca, ô me Jesus ! ag er græce e huès reit teign de gleuet en Overen hinihue, quentoh eit d’ur lod vat aral peré n’ou dès quet bet er bonheur-zé. Me oulen pardon guenoh ag en ol fauteu em ès commettet én hi dré er manq a zevotion, dré en dioustedigueah, ha dré pep sort distractioneu ha chongeu passet dre me speret. Revou er merit ag er sacrifice-zé ur pardon antiér aveit-on, hac ur hresquance a secour aveit en amzér de zonnet.
É han bermen guet confiance d’el labour de behani en em galhuet, ô men Doué ! mem hou chonge er reste ag en dé men ag er græce e huès reit teign ; ha me assæou parrat n’achappehai guenein conz erbet, nac action, na chonge, na desir erbet e ellehai gober deign coll er merit ag en Overen em ès cleuet. Hennéh é me ol desir, dré er secour a hou cræce.
É hanhue en Tad, etc.