Er hombat spirituel/Chapistre 92
| ◄ Oræson devot de sacremant en Autær | Cannenneu spirituel. | ► |
Ære santel, damurance bourrus,
É pehahi un Doué e reconpanset
Un inean pur, un inean vertuus :
Eit hou mêlein m’impleou me fuissance.
Aveit er sænt nen dès quet mui rustage [1]
Émant er porh eit jamæs e surté,
Ur peah parfæt zou ou lod ha partage,
Émant é Doué ha Doué e zou én hæ.
Pebeh ur gloër hac ur splander ou groue !
Ah ! m’ou gùél ôl quer cair él en ælé ;
Nitra n’éel mui gouivein ou hourone ;
Ou gusquemant zou immortalité.
Doué me hrouéour, bravité hemp hé far,
Én-oh hemp quin éma me lehuiné,
Nen dès gùir joé na bonheur ar en doar ;
Hirreah em ès d’hou cuélet, ô men Doué !
Brasset er joé, brasset er garanté
En dès er sænt dirac en ol-buissant !
N’ou dès quin chonge nemeit a gârein Doué
D’er hontamplein hemb cess en hum bligeant.
O lusq santel ! ô joyeu admirable !
Én-oh er sænt e gav ou eurustet ;
D’en expliquein nen dès hanni capable ;
D’er possedein re-vou nerhus hun gret.
Er sænt én ean ansambl guet en ælé,
E gann hemp cess de Zoué mélodi ;
Etré d’hæ ol nen dès meit caranté ;
Én ean nen dès na cas, na melconi.
Un Doué e vou eit jamæs en ol vad,
Ul lod quer cair eveit hæ zou certein,
Doué eit é dut e vou er gùellan tad,
Er sænt én ean e vêlou Doué hemp fin.
Clasquamp é Doué tout hun recompanse,
Re-vou er fin a hun ol trebilleu :
Ér bed é hès un nebedic souffrance,
Mæs eit én ean nen dès nemeit joyeu.
Sant Paol e lar : biscoah nen dès guélet
Lagat mab-dein, nac é scoharn cléuet
Er peh en dès Doue quer mat aliget
Ér Baraouis d’er ré er hâr parfæt.
Uériès glorius Vari,
Mam Doué, rouannès en ean,
Cheleuet, m’hou suppli,
Desirieu me inean :
Hui zou me retirance
Ha Jesus zou me roué :
Quemeret men defanse
Er fin a mem buhé.
Men douçan plijadur
E zou d’hou chervigein,
Me oulèn, guériès pur,
Ma séellehet doheign :
Ne vêin meit caranté
Bet en deuéhan momant ;
A me fidelité
Me ra deoh er sermant.
Durant ol mem buhé
Secouret-mé, Mari,
Pe guittei me iné,
Reit assistance dehi ;
Mar compset eveit on
Doh Jesus ma Salver,
De joyeu er bed-hont
M’arriou hemp danger.
Hui zou hur honfiance,
O guériès, mam de Zoué !
Reit demp hou ç’assistance
Durand ol hun buhé.
Goulennet, guériès pur,
A pe vehemp juget,
Er græce, ni hou conjur,
Ma vehemp ol salvet. Amen.
R en Autér éma Jesus mab Doué,
Mæs cuhet é dirac men deulegat ;
Ean zou me roué, mem bugul mat,
Chetu me fé, bet men deuéhan huannat :
O me Jesus, brasset hou caranté !
Allas ! allas ! brasset é ur malheur :
Eit un inean e vihue yein-sclas doh Doué !
Hemp caranté, hemp en tan-zé,
Ér Baraouis ne vehai meit tristé ;
Cârein un Doué, brasset é ur bonheur !
Hui é, men Doué, e zesire me inean ;
Én-oh hemp quin é chongean nos ha dé ;
Me ol desir ha me ol joé
E vou avance perpet é caranté ;
Guet hirreah deoh hemp cess e huannadan.
Ér momant ag er marhue,
Péhour, tout achiuou.
Ér momant ag er marhue,
Doué té jugeou.
Ed é merhuel, red é merhuel,
Ag er bed-man red é lemel ;
En arrest e zou prononcet,
Red é ma vou accomplisset.
Ér momant, etc.
Haval doh boqueteu gouivet,
Mab-dein e sorti ag er bed,
Er marhue e za én ur momant
De rêin d’é vuhé achemant.
Ér momant, etc.
Hui péherion, tosteit d’er bé,
Deit d’interrein hou vanité ;
Inou tout en treu istimet
E vou a la fin dispriset.
Ér momant, etc.
O merhet lein a vanité,
Petra vou ag hou pravité ?
Er fal vlas, er gorruption
E rèi horreur d’er gristenion.
Ér momant, etc.
O hui, tud a blijadurieu,
Hui e goutante hou tesirieu,
Mæs eit oh peh ur changemant
E rèi er marhue én ur momant !
Ér momant, etc.
Red e vou deoh laret nezé,
Adieu d’er gloër, d’er vanité,
Adieu d’er faus plijadurieu,
D’er joé ha d’er braguerisseu.
Ér momant, etc.
Adieu, quérent hac amiet,
Adieu, bugalé ha priet,
O momant terrible aveit oh,
A pe veint lamet tout guenoh !
Ér momant, etc.
Men Doué, m’el lar lan a zougeance,
Petra rêin-mé én hou presance ?
Ah ! mar don cavet criminel,
Me malheur e vou éternel.
Ér momant, etc.
Pe brononcehai Doué hou arrest,
Pihue a nehoh e vehai prest ?
Guet a dut e vou condannet
De losquein guet er ré dannet !
Ér momant, etc.
Ah ! guet eun a vout surprenet
Guet er marhue ér stat a béhet,
Ouilet guet quæ ha guet glahar
Durant ma vehet ar en doar.
Ér momant, etc.
Ouilet, ouilet, men deulegat,
Ouilet ar mem buhé ingrat ;
Ouilet ol me fauteu passet,
Ouilet durant ma vêin er bed.
Ér momant, etc.
Eit gloër en eutru Doué,
Eit inour er Uériès santel,
Eit salvedigueah en ineanneu.
- ↑ Orage