1. Ur marhadour iouank, a gosté Rostrenen,
E zou deit d’ur bro-ni de huerhein lién moén.
2. Mèz deit e oé kéntoh, e m’en d’ind ér hartér,
Aveit gobér el léz d’un intanvéz a gér.
3. « Bonjour d’oh én ti men, peuaus hum gavet hui,
Ha hui em lojehé en noz men én hou ti ?
4. — Ya, marhadour iouank, ya sur ni hou lojou,
Ha, kent mont de gousket, get-n’emb hui goéniou.
5 Keméret ur gadoér ha dénechet d’en tan,
Én atretan gortoz me torehèt hou hoant.
6. Salv ô Kroéz, femèlen, ne mès séhet na hoant,
P’hou kuél men deulegad, me halon zou koutant.
7. Laret d’ein, femèlen, mar vennet diméein,
Ma choéjehemb un dé, un dé eit èredein.
8. Hui hou pou, eit kerhèt ar baùér Rostrenen,
Ur botigeu tenaù, ul loreu satin guen,
9. Ur botigeu tenaù, ul loreu satin guen :
Chetui ur plah iouank d’em hoant ha d’em goulen.
