Exercice eit cleuet en Overen
EN dès quet calz a dut e gleu en Overen èl ma faut é mesq en nombr bras a dut hé hleu bamdé, a balamort n’ou dès quet en dispositioneu convenabl ; rac n’en dé quet assès bout presant a gorf én hi, necessær-é ehué ma vou attantif er speret. Requis-é bout modest a gorf, mæs treu a-ral e rinquér hoah. Doué e zou ur speret, e larai gùéharal hun Salvér d’er Samariténés, hac en nemb e fal dehou en adorein, e zeli en adorein a speret hac é gùirioné.
Consideret penaus hun Salvér, é instituein er sacrifice ag en Overen, en dès ordrénet demb gobér mémoër a nehou ; de laret-é, degasse chonge én hun speret ag er péh en dès groeit eit omb ar er manne Calvar, a p’er gùélamb é reneuéein er memb sacrifice ar en Autér. Deliein e ramb enta assistein én Overen guet er memb santimanteu hun bai bet, pe vehemb bet é uélet hun Salvér é verhuel eit omb ar er manné Calvar. En ol grechénion en dès ou lod ér sacrifice, emé sant Cyprien hac en Tadeu aral ag en Ilis ; gobér e rant er garg a Vêlean, rac offrein e rant ol guet er Belêg er memb Hosti, pé Victime, d’en Tad Eternel [1]
Er galité a Sacrificatour, péhani e zou quemun d’en ol grechénion, e zeli gobér deoh hum zerhel én ur respet bras a gorf hac a speret, a balamort d’er mystér adorabl é péhani e hoès er bonheur d’assistein.
Quentéh èl ma antréet én liis, chonget é lar er Speret-Santel deoh er honzeu-men, e lar er Vêlean én Overen : Sursum corda ; de laret-é, sàuet hou caloneu d’er hlué ; quitteit er chongeu hac er sourcieu a ziar en doar eit bout tout-a-fæt a speret hac a galon presant ér sacrifice, é péhani Jésus-Chrouist hum ra tout antiér deoh, hac en dès hum offret hemb partage na réservation erbét d’é Dad éternel aveit oh.
Disinourein e rér en Overen a pe assistér ér sacrifice admirabl-zé, capabl de laquat souéhet ha de greinnein en nemb en dès fé, hemb chongeal a barfæt é brastet hac é justice terribl un Doué e suppliér, nac é miséricord infini Jésus-Chrouist, Doué ha Dén, hum ra d’er marhue hac hum offr de Zoué é léh er behérion eit ma veint pardonnet.
MEN Doué ! offrein e ran deoh er sacrifice santel ag en Overen eit en ol intantioneu mé ma bet instituet guet hun Salvér : de guettan aveit hou ç’hanàuein eit men Doué, me hrouéour ha me mæstr general drest en ol ; aveit hou trugairécat ag en ol græceu e hoès groeit d’Inean ha de Gorf me Salvér, én é galité a zén, d’er Uériés beniguet, d’en Ælet, é special de sant Miquel-Arhæl, d’em Æl-mad, d’en ol Sænt, é special d’er-ré ma mès un devotion particuliér ; eit hou trugairécat ag en ol faveurieu pé donæzoneu e hoès groeit d’hou pugalé, é special deign-mé, péhani e verit er bihannan hou cræceu. Offrein e ran deoh hoah er sacrifice-men aveit er remission a me fehédeu, eit reparation ag er boén e zou deliet dehai, hac eit méritein en dout gueneoh en ol græceu e mès dobér eit accomplissein hou volanté. En offrein e ran deoh ehué eit soulagemant en ineanneu ag er purgatoér.
Ellein e rér laquat intantioneu aral revé dobér peb-hunan, pé revé é zisposition. A pe vou er Belêg prest de gommuniein, ne vanquet quet a obér er gommunion spirituel. Groeit un act a fé ar bresance véritabl Jésus-Chrouist ér Sacremand ag en Autær. Groeit nezé un act a garanté ardant doh Doué, hac a zesir bras d’hum joéntein doh hun Salvér, ha d’en dout er bonheur d’el logein én hou calon.
Hum zalhet ér chongeu-zé bet en achemant ag en Overen, èl p’hou pehai bet e gùirioné er bonheur de gommuniein, èl pe vehai Jésus-Chrouist é creis hou calon, hac achihuet ér mod-men ; ô me Salvér ! grôeit-deign er græce ma pourfitou d’em inean er mérit ag er sacrifice adorabl ag en Overen : achihuet énan, men Doué, er péh e hoès commancet ; groeit énan, mar plige gueneoh, ur changemant antiér aveit hou prassan gloër.
- ↑ Remerquet : Victim pé Hosti e senefi er péh e vai lahet pé distruget eit bout offret e sacrifice. Quênt Jésus-Chrouist, é offrér lonnet ha treu aral ; goudé Jésus-Chrouist, n’éellér offrein meit-ou e sacrifice.