Hun Salvér é touguein é groéz
1°
ONSlDÉRET Pilat, menacet a vout accuset dirac César, é creinnein guet eah rac en dut, hac é condannein mab Doué d’er marhue méhus ag er Groéz. Sellet Jésus é cheleuet guet humilité hac aboeissance er santance faus-cé. Examinet a hui e ra martezé hilleih a behédeu guet eah rac en dut, èl Pilat ; sellet a hui e guemér èl Jésus, guet humilité ha doustér, en anjulieu e larér deoh hac er gueu e rér dohoh.
2.° Considéret er Juiffet é laquat ur groéz ponnér ar zihue scoé hun Salvér. Biscoah bet nezé ne oai bet groeit d’un torfettour douguein de dachen er marhue er glouistr d’el lahein. Jésus-Chrouist e gueméras é gani a vréhat hac e voquas dehi guet ur garanté vras ; mæs oeit e oai de vout quer goan dré é nozeoh calet ha dré é flagellation horribl, hac er sam e oai quer ponnér, ma couéhai liès édan é groéz. Hou pet chonge é ma hou pehédeu en dès hi laqueit de vout quer ponnér-zé.
3° Considéret er Juiffet barbar, guet eah ne vezai marhuet Jésus guet-ai ar en hènt hemb n'ou devai bet er plijadur cri d’er hrucefiein, é contraignein ur passant, hanhuet Simon a Cyrène, de zouguein ur pèn a groéz hun Salvér. Remerquet erhat, Simon ne fallai quet dehou, ret e oai bet er hontraignein. Desquet dré-zè dihoal ne zehai jamæs er méh pé en eah ag er boén d’hou mirêt a zoug er groéz guet Jésus-Chrouist. Jésus e gonz doh er merhet devot en héliai én ur ouilein, hac ou honsol. Desquet dré-zé è creis hou poénieu brassan consolein er ré-ral, hac ou accouragein d’obér volanté Doué hac ou salvedigueah.