Hymneu er seih Office



HYMNEU ER SEIH OFFICE
Eit er-ré ne ouzant quet leine, hac e zou mad de laret quênt commance peb Office.
Mad é gobér un act a gontrition én ou rauc pé ar ou lerh quênt commance er pedenneu.
————
Hymn Matinézou.
1.


DE Vatinézeu de greis-noz
Mérit é quittat er repoz,
Ér mod ma rai er Sænt quettan,
Ha ma ra hoah mara-unan.

2.


Eit laret goùel en Officeu
Pé én ou léh er Pedenneu,
Joéntamb-int doh ré hun Salvér,
En é Bassion clascamb tuemdér.

3.


De Vatinézeu é chongér
É nozeoh calet hun Salvér,
Ér Jardrin, én hènt guet cant Juif
E ti Anna, é ti Caïf,

4.


D’en Tad, d’er Mab, d’er Speret-glan,
Rantamb gloër ol bras ha bihan :
Gloer de Zoué a viscoah, hemb cesse,
Bremen de vubaiquin jamæs. Amen.

Hymn Prim.


1.


Cource Prim zou de sàu-heaul bamdé
Eit goulen un dé mat guet Doué,
Un dehuéh exant a behet,
Lan a græceu, Salvér er bed.

2.


Eit laret gùel en Officeu......èl irrauc.

3.


De Brim mad é chongeal erhat
En é souffrance é ti Pilat,
Dihusquet nuah, ha dispennet,
Couronnet guet spern, condannet.

4.


D’en Tad, d’er Mab..........èl irrauc.
Amen.

Hymn Tierce.


1.


D’er hource a Tierce, pé de nàu ær,
É chongér hac é oulennér

Er Speret-Santel disquennet
D’en ær-zé ar en Disciplet.

2.


Eit laret gùel en Officeu...... etc.

3.


De Tierce en er honsidérér
É touguein é groéz d’er halvér,
Guet tauleu barbar ha lammeu,
E Vam e uél é boénieu.

4.


D’en Tad, d’er Mab.......... etc. Amen.

Hymn Sext.


1.


Cource Sext e gommance de greis-dé.
Ret-é goulen secour guet Doué
D’impleein erhat hun amzér,
Ha perhuéh græceu hun Salvér.

2.


Eit laret gùel en Officeu...... etc.

3.


De Sext en er sellér guet gloéz
Tachet ha gorreit doh er groéz,
É spin doh en tacheu tair ær,
Nuah, exposet d’er goal amzér.

4.


D’en Tad, d’er Mab.......... etc. Amen.

Hymn None.


1.


Cource None e gommance de dair ær,
Eit hinourein marhue hun Salvér,
Ha goulen dré é vériteu
Ul léh guet-ou én é joéïeu.

2.


Eit laret gùel en Officeu...... etc.

3.


De None ér sellér é tremén,
En heaul e sclins, en doar e grén.
O calettet un disparti
Eit é vam, er Uériés Vari !

4.


D’en Tad, d’er Mab.......... etc. Amen.

Hymn er Gospereu.


1.


Ardro cuéh heaul er Gospereu
Zou d’obér de Zoué pedenneu,
D’er mêlein, d’en trugairécat,
De oulen guet-ou ur marhue mat.

2.


Eit laret gùel en Officeu...... etc.

3.


D’er Gospereu é tisquennér
Ag er groéz Corf marhue hun Salvér :
Guet anquin ret-é er sellet
Ar varlen é Vam glaharet.

4.


D’en Tad, d’er Mab.......... etc. Amen.

Hymn Compli.


1.


De Gompli a pe dihouéla,
Goulennamb guet Doué drès peb-tra
M’hun honservou durand en noz
Pur a behet, yah ha dispoz.

2.


Eit laret gùel en Officeu...... etc.

3.


De Gompli é ma interret
É creis ur groh neué bénet.
Ouilamb guet é Vam er Uériés,
Rac caus omb bet d’e varhue liés.

4.


D’en Tad, d’er Mab.......... etc. Amen.

Credo me gred é Doué, etc. ér fin a Gompli.