|
I
1. Ouilamb, ouilamb ol get glahar,
É peb kañtoñ zou ar en doar,
Ar en torfèt bras kommètet ;
É Melran, eskopti Guéned.
2. É Melran, eskopti Guéned,
Un torfèt zou bet kommètet,
Dré ur maleurus kemenér,
É Kevér ur verh ag é gér.
3. É hanü e oé Pièr Guéganig,
Un dén dirol, kri ha lubrik,
Hi oé Morisèd Jaffredeu :
A Lokmaria e oent ou deu.
4. A houdé deu vlé treménet
En hi goulenné eit pried ;
Mèz, get eun a zisplij de Zoué,
Hé zad na hi ne gousañté.
II
5. En dé kent, a houiliad Bihui,
Ar en dro é tént, e m’en di ;
Pièr Guéganig, get hardéhlèd
E lar é choñj de Vorisèd.
6. — « Morisèd, d’ein é larehtèt,
« Ha hui em har pé ne hret ket ?
— « Pièr Guéganig, ia sur m’hou kar
« A greiz me haloñ mé el lar.
7. Morisèd ur geu e laré,
Er huéh ketañ én hé buhé :
Eun hi doé ag er hemenér,
Ha hi e zoujé en dañjér.
8. — « Morisèdig, mar em haret,
« Hui gousañtou bout me fried
« Arhoah vitin, a pe saüein,
« D’hou koulen get hou tad é hein.
9. — « Dé mat, boulom, e laran d’oh,
« Hou merh e houlennan get-n-oh.
— « Me merh Morisèd n’hou pou ket,
« Na hui na kemenér erbet.
10. — « Mèz chañjet e mès a vichér,
« Oueit on breman de vout krogér.
— « Ne vern péh michér huès choéjet
« Me merh Morisèd n’hou pou ket.
III
11. — « Morisèd, d’ein é larehèt,
« Mén é bei hiniü hou loñed ?
— « Ne vennan ket laret ur geu :
« Monet e hreint d’en naü-erüeu.
12. Ne bozent ket én naü-erüeu,
Hi ou basas d’er pradigeu :
Arriü inou er hemenér,
Hag én é zorn é grog-pouizér.
13. — « Morisèd, laret huès d’ein mé,
« Ur geu é léh er huirioné :
« E vehoh oueit d’en naü-erüeu,
« Hag é oh deit d’er pradigeu.
14. — « Ne mès chet laret d’oh ur geu,
« Rag bet on bet én naü-erüeu,
« Ia, én naü-erüeu é on bet,
« inou me seud ne bozent ket.
15. — « Morisèd, d’ein é larehèt,
« Ha hui em har pé ne hret ket,
« Ha hu em har pé ne hret kèt,
« Ha hui even bout me fried.
16. — « Pièr Guégañ, n’hou tisprisañ ket,
« Mèz jamés ne vein hou pried ;
« Eit laret d’oh er huirioné,
« Hum hloestret e mès bet de Zoué.
17. « — Morisèd, hui e gousañtou,
« Pé, hemb truhé, mé hou lahou.
— « Guèl é genèin merüel mil guéh,
« Eit offansein men Doué ur huéh.
18. Er gèh Morisèd pe huélas
É oé én un dañjér ker bras,
E bedas er Huerhiéz Vari
De vout avocadéz eit-hi.
19. — « Introñ Varia a huir sekour,
« Doh hui é hloestrañ me inour,
« Goerhiéz, o mam er Guerhiézed,
« A lein en éañ em sekouret.
20. Hi e grié a bouiz hé fen,
Eit goulen sekour ha dihuen :
Allas ! dén n’hellé hi hleuet,
Rag ne oé tost de di erbet.
21. Hi e glaskas ridek d’er gér,
Mèz en torfétour é kolér,
Hi skoas beañ get é bomellen,
Dré hé haloñ ha dré hé fen.
22. Get en drived taul é koéhas,
Én ur poulad goèd, ar hé fas,
Ha hi e zakoras de Zoué
Hé ineañ ker kèr él en dé.
IV
23. Hag hé zad e oé gounideg,
Én é zeüéh é Bragnoleg,
Hag a dra sur ne choñjé ket
Ér maleur getou digoéhet.
24. Mèz a pe arriüas ér gér,
Ar dro kreisté pé uenneg-ér,
Eañ e gavas é vugalé
Ér brasañ añkin ha tristé :
25. — « Bugalé d’ein é larehèt,
« Perag é oh ken añkinet,
« Perag é oh ken ankinet,
« Ha mén ma hou hoér Morisèd ?
26. — « Me zad, abret é houiehèt
« Doéré a hun hoér Morisèd :
« É ma duhont ér pradigeu,
« Er goèd idañ d’hi a bouleu.
27. — « Bugalé, d’ein é larehèt
« Piü en dès lahet Morisèd ?
— « Pièr Guéganig, un dén kri,
« En dès hi lahet, e m’en di !
28. — « Arsa’n-ta, multrér miliget,
« Petra ’n dès groeit d’id Morisèd,
« Petra ’n dès groeit me merh d’is-té,
« Meit dihuen doh te falañté.
29. Ne hel mui koñz get er glahar,
Ar é fas é koéh ar en doar.
Ne oé nitra truhéusoh
Eit er hleuet é krial forh.
V
30. El mé ha Morisèd d’en doar,
Er goèd e zivér doh er har,
Hé zad arlerh é hirvoudal,
Ha kouh ha iouañk é krial.
31. Er véléañ, é léh kañein,
N’hellent ket miret a houilein ;
Ha kri a galoñ vehé bet,
E neb n’en dehé ket ouilet.
32. É Melrañ, é kreiz er verèd,
É ma interret Morisèd,
Ur groéz zou saüet ar hé bé,
Eit diskoein hé fldelité.
33. Ur groéz e zou saüet eüé,
Él léh mé kollas hé buhé :
Mar det de Gelhuen beniget,
Hui e huélou kroéz Morisèd.
34. Merhed iouañk, ol cheleuet,
Skuir doh Morisèd keméret,
Ha guèl é d’oh kol hou puhé,
Eit offañsein en Eutru Doué.
|
![\version "2.16.2"
\header {
tagline = ##f
}
\score {
<<
\new Voice = "kan" {
\autoBeamOff
\relative c'' {
\clef treble
\key e \minor
%\tempo \markup {\italic Lento}
\time 6/8
%\partial 8*1
\override Rest #'style = #'classical
r4 r8 a b a | fis4. g16 [fis] e [fis] g8 | fis4 (g8) a b a | \break
fis4. g16 [fis] e [fis] g8 | fis4 r8 e e e | e4. g8 fis e \break
d4 r8 g g a | fis4. e8 d fis | e4 r8 r4 r8 \bar "|."
}
}
\new Lyrics \lyricsto "kan"
{
Oui -- lamb, oui -- lamb ol get gla -- har,
É peb kañ -- toñ zou ar en doar,
Ar en tor -- fèt bras kom -- mèt -- et
É Mel -- ran, Es -- kop -- ti Gué -- ned.
}
>>
\layout {
% indent = #00
line-width = #140
% ragged-last = ##t
}
\midi {
\context {
\Score
tempoWholesPerMinute = #(ly:make-moment 80 4)
}
}
}](http://upload.wikimedia.org/score/r/5/r5d60rk4fdzhpobhreom4vwgmlps6n6/r5d60rk4.png)