Lakaet ’m eus a-grenn em spered

Oberennoù damheñvel pe handelvoù all zo ivez, gwelout Laket am euz a-gren em speret.

Kantigou brezonek eskopti Sant-Brieg ha Landreger

A. Prud’homme, 1934  (p. 25-27)

N° XXI. — Da galon Jezuz.

2. C’houi hoc’h eus dihahet an danve(z)
   A vev em izili breman ;
   C’houi hoc’h eus krouet d’in ma ene,
   ’vit m’hoc’h anavezin gantan ;
   Ha goude ken espar donezon,
   Hoc’h eus graet eur burzud nevez :
   Kuzet hoc’h eus ennoun eur galon,
   Ma c’hallin ho karout ivez. (2 w.)
   
   
3. Kemeret hoc’h eus bet en hon touez
   Daouarn da c’houren ouz Satan,
   Daoulagad da glask e-mesk an drez
   An denved touellet gantan ;
   Diouskouarn ’vit klevout hon c’hlemmou,
   Eur vouez da rei d’imp ali mat,
   Hag evit poueza hon ezommou,
   Eur galon domm ha leun a wad. (2 w.)
   
   
4. Lein ar C’halvar a zo bet ruziet,
   Gant gwad Jezuz a zistrilhe
   Dre bemp gouli truezus-meurbet
   Toullet a-hed ar vammen-se.
   O pegen kriz gwelout eun Doue
   Stag ouz eur groaz etre daou laer
   N’eo ket an tachou houarn ho talc’he,
   Met ho karantez ’n hon c’henver. (2 w).
   
   
5. Na pegeit so en hon ilizou,
   E-teuit seul gwech m’ho kalver ;
   Ha ’vel an aelez en Nenvou,
   En em blijit war an Aoter
   

Ho prasa plijadur koulskoude
Eo diskenn en hon c’halonou
Ha keja e gwad ho pugale
Ar gwad a red en ho memprou. (2 w.)


6. War-lerc’h madoberou ken souezus
   E-kenver eur paourkaez pec’her.
   Ne glaskit ken ennoun, ma Jezuz,
   Nemet ma c’halon degemer :
   D’eoc’h he gouestlan evit birviken,
   ’vit he mirout renit enni :
   Mervel a rin sioul ha dianken,
   Gant ho kalon bev em hini. (2 w.)
   

---