Lod ag er Sænt ag en drivet-Urh a benigen, péré e zou canoniset


Lod ag er Sænt ag en drivet-Urh a Benigen, péré e zou canoniset.


SANT Loeis, roué a France. Ean e usquai dirac é duchentil habit en Urh a benigen, marauéh revé en amzér a zevotion pé a affliction. En Eutru Doué e bunissas ar en tache un Eutru bras a Flandr en doai groeit goab a guement-cé : er hont a Flandr e oulennai guet-ou a ean en doai gùélet er roué : ya, e m’ean, mé mès gùélet er bigot guet é habit Menah. Ne oai quet achihuet mat é guir, ma couéhas punition Doué ar nehou. Sant Loeis e règlai mad é vro, caret bras e oai guet é sujité, hac e varhuas youanq tost de Jérusalem, en eil gùéh ma has guet un armé gair d’assaïe délivrein en doar santel a zan sclavage en Turc.

Sant Yvon pé Euzen, Belêg ag er vas-breton, avocat er beurerion, person a dihue barrès, en eil goudé éguilé, en doai convertisset ha rantet santel. Ean e zouguai perpet habit en Urh a benigen édan é zillad.

Santés Elisabeth, merh er roué a Hongri. Leinnet hé histoér amen arlerh.

Santés Elisabeth, rouannés er Portugal, quen douce é quevér hé friæd brutal ha debauchet, ha quer charitabl é quevér er beurerion.

Santés Rose a Viterb. Leinnet hé histoér amen arlerh.

Santés Viridien, hermidés étré puar mur, èl santés Pelagi. Ne oai én hé ziic meit ur fenestric de rein bouid ha splandér dehi ; massonnet oai tout en or. Er goal-speret e ras é bossibl eit hé lorhein, èl ma ras de sant Antoén, patron ur chapél harsic d’hé hermitagic. Gùéhavé ean hum ziscoai èl ur hrocodil, lon-marés infâm e zevor en dut ; gùéhavé èl ur serpant horribl ; a la fin é uélet ne rai nitra, ean e zegassas d’hé frison dihue aër eahus e chomai dalhmad guet-hi, e zaibrai ag hé bouid, hé dantai hac hé flemmai, que ne oai goleit ol a oulieu. Sant Françæs, a pe yas d’hé gùélet hé havas ér stad truhéus-cé ; ean hé honfortas, hac e ras dehi en habit ag en Urh a benigen eit hé accouragein.

Bout-zou hoah nombr bras a Sænt aral ag en Urh ; scrihuet e zou ul livr bras pedost èl hani en Overen, a vuhé hemp quin er Sænt ag en Urh, mæs é ma é gallec.

É han de laret un dra-benac a zihue Santés ag en Urh a benigen, a balamort ma teli unan chervigein d’exampl d’en intanvéset, hac en aral d’accouragein devotion ardant er merhet youanq.

Santés Elisabeth, merh er roué a Hongri, ha priæd de Loeis Landegrav, duc a Thuringe én Atlemagne, e gommanças a vihannic de rein mercheu a santeleah, rac jamæs n’hum gavai én divertissemanteu, nameit dré aboeissance. Er yune, en disciplin, er cilice hac en oræson e oai en exerciceu e garai muihan ; mæs a pe oai diméet dré ourhemen hé zad, hac a p’hé doai queméret en habit ag en Urh a benigen, beniguedet guet sant Françæs memb, péhani er hassas dehi revé hé desir, nezé é commanças er brincès vras-cé de vihuein én ur fæçon quen humbl ha castiet, ma hai divot d’er præcioneu én é hær principal ; hé buhé ne oai meit ur benigen continuel.

Hi en doai quement a gompassion doh er beurerion, ma impléai er péh hé doai préciussan d’ou soulagein. Hi e vaguai bamdé tri-hant peur ; hi e impléas ur uéh ol hé ranteu de vaguein hé sujité én un amzér a guerteri vras. Antréein e rai én hospitalieu, perdereine rai er goulieu dangerussan ; hi e dorchai el lousteri e zai a nehai guet é liennage.

Haval vezai bet é oai capabl er vertuyeu m’en d’obér ur Santés a nehi ; mæs en Eutru Doué hé affligeas open dré er guevel trist a varhue hé friæd ér voyage en doai antreprenet eit tennein en doar santel a zan sclavage en Turc.

Én occasion-zé en doai bet Elisabeth d’obér ag hé ol vertu eit hé secour én ur glahar quer bras, e barissai dré hé dareu hac hirvoudeu. Mæs touchant arlerh er galonat guettan-zé, hi hum dennas én hé habinet ; hac ino, stouyet dirac ur grucefi, hi e laras er honzeu-men, guèt er vrassan caranté doh Doué : ô men Doué ! gout e ret péh quer bras e oai er garanté em boai doh mé friæd queah ; mæs neoah quer resinet-hon d’hou volanté guet er secour a hou cræce, ma ne garehen quet rein ur vlêhuen hemp quin eit er ressuscitein inep d’hou volanté. A ean e zou bet gùélet biscoah un aboeissance de Zoué brassoh ?

Vertuyeu admirabi er brincès-men en devai deliet gobér joé d’en ol ; mæs ne chervigeant meit d’obér anemiset dehi. Dré solit en drouc-spéret ha dré jalousi, en duchentil vrassan ag é doar hé galhuai avrignourés, discoufiourés, bigot ha paud a dreu aral. Int e gueméras memb en hardéhtet de monet d’hé laquat ér mæz ag hé falès de zéc ær én noz d’er gouyan, hemb rein dehi en oar de guemér nitra. Er Brincès peur-zé, laqueit ér mæz ag hé zy, e yas a zor de zor de oulen bout loget ; mæs ne gavai partout meit temalationeu hac anjulieu, memb guet peurerion hé doai maguet. A la fin hé oai bet obliget d’hum dennein én ur hreu. Inou é oai bet degasset dehi er brincet bihan, hé bugalé, en doai ou goarnourés sauvet a zan dorn en dut fal hont. Er vam santel-zé n’éellas quet miret a scuil hilleih a zar doh ou gùélet quer goal-drettet guet tud obliget de vout sujet dehai. Mæs a pe gleuas de greis-noz sonnein de Vatinézeu é couvant sant Françæs, hi e yas de scoein ar en or, ha d’ou fedein de laret guet-hi un Te Deum, eit trugairécat en Eutru Doué ag er vadeleah en doai d’hé staguein doh croéz é vab hun Salvér.

E sujité é léh quemér compassion, ne reint ol meit hé anjuliein ; er-ré en doai truhé doh t’hi én ou halon, ne gredeint quet en discoein. Ur beuréz hi doai maguet, hilleih a vlaïeu, hé havas ur uéh é tremén ur pondic ; èl n’ellai quet er brincés téhein bean assès én hé rauc, hi hé foussas én deur hac ér fang, hac hum laquas nezé de scrignal, ha de huchal d’en dut aral séellet er bourd, hemb ne zas jamæs d’er Santés lausquein clêm erbet.

A pe gavas en Eutru Doué én hé doai chairret assès a vériteu dré hé souffranceu hac hé fatiantet ha reit assès a exampl d’en ol, ean e laquas é calon é sujité er chonge de scarhein é anemiset ha d’hé laquat arré ar en trôn èl ma oai a guênt.

Er changemant-cé ag ur visér quer bras én ur brospérité quen hinourabl, ne ras quasi joé erbet d’hé halon. Er garanté doh er groéz e oai quen don én hi, que n’éellai santein joé erbet doh en ol coutantemanteu e gavér ar en doar. Hi e varhuas ehué touchandic arlerh : hé buhé admirabl e achihuas dré ur marhue heurus. En Eutru Doué e ziscoas hé santeleah dré guement a viracleu goudé hé marhue, m’en dé bet disclériet Santés guet er Pab Clemant IX, péhani en dès accordet induljance pléniér d’en ol grechénion e visitou un Ilis de sant Françæs er sul goudé hé gouil, péhani hum gav d’en nandêcvet-dé a galan-gouyan.