|
1. — Cheleuet hag é cleuehèt
Ur sonen a neüé sàüet
DISKAN :
Traitour, ah !
Malloh d’id !
Malloh d’id !
Traitour, ah !
Malloh d’id, ta !
2. — Sàüet ar varquiz Pontcallec,
Er guellan dén e oé ér bed.
Traitour, ah ! (etc).
3. — Er guellan dén e oé ér bed,
Hag elquènt ’ma bet dibennet.
4. — Nen dé quet aveid un torfèt
É ma bet lahet Pontcallec.
5. — Mœz rac ma tihuennas é vrô
Ged en dudchentil tro ha trô.
II
6. — P’en das dragonet d’er hemér,
Er marquiz ne oé mui ér guér.
7. — Tri dé ha tair noz é mant bet
É hoarn er porh, é hoarn er hoèd,
8. — É hoarn er porh, é hoarn er hoèd.
Ha biskoah dén n’ou dès cavet.
9. — Ha biskoah dén n’ou dès cavet,
Nameid ur peur é clah é voued.
10. — Nameid ur peur é clah é voued :
Hannèh en dès ean disclériet.
11. — « Dragonet, laret hui d’ein mé
Petra zou, p’en doh é valé ? »
12. — « Mar laret t’ein piü e glasquet,
M’hellou rein d’oh tu d’er havet. »
13. — « Ni e glah en Eutru Marquiz ;
N’en hanàüamb quet én é guiz.
14. — « T’ès ean marsé dré zé gùélet ?
Lar d’emb penauz é ma gusket. »
15. — « Mod er mézeu é ma gusket :
Diès bras é en hanàüet.
16. — Chaucheu lien, brageu neüé
Hag ur chupen ar é ziskoé.
17. — « Boteu lér du, un tok plouz gùen
Biüennet ged ur velouzen.
18. — « Mar ret ur blank gùen én é béh,
Me hrei d’oh er havet kentéh. »
19. — « Ur blank gùen d’id ne réhemb quet :
Mœz un taul glean ne laramb quet.
20. — « É men ma ean, lar d’emb kentéh,
Pé sur te varwou én é léh. »
21. — « Dragonet, reit t’ein mem bubé,
Me larou d’oh er huirioné.
22. — « É ma é ti person Lignol,
É taibrein méren doh en daul. »
III
23. — Ketan’ doé tapet én é sey,
Oé dragon bras er Guemené.
24. — « Ha d’oh, marquiz er Pontcallec,
Guersou oemb é klah hou kavet.
25. — « Bremen aben, Eutru Marquiz,
É téhèt ged-n-emb de Baris. »
26. — « Me garehé, quènt quittat brô,
D’em manér monnet hoah un drô,
27. — « Aveid chanjein men guskemant,
Kemér men grouiz lan a argant,
28. — « Aveid chanjein me zokig-plouz,
Ha guskein me mantel velouz,
29. — « Kemér mem boteu lér neüé,
Ha me jau bihan hakené. »
30. — « Hou manér mui ne huélehèt,
Hemb dalé ged-n-emb é tehèt.
31. — « Lausket inou ol hou tâné ;
N’hou pou mui d’obér a nehai. »
IV
32. — Cri forh oé cleuet tro ha rô
Pe gùitas er marquiz é vrô.
33. — En dud e ridé a bep léh,
Aveid er guélet hoah ur huéh.
34. — Ha ged glahar, ha ged truhé,
Dehou peb unan e laré :
35. — « Eutru marquiz, d’oh kenavo,
Marsé hui e zei hoah én dro. »
36. — « Me zei, mar dé volanté Doué :
Pedet eid on, mem bugalé. »
37. — P’arriüas er gér a Naned
Ér prizon é ma bet taulet ;
38. — Taulet én ur prizon tihoél
Ged tri honsort aral fidél.
39. — Quènt pêl tud fal, tud miliguet,
En dès d’er marü er hondânet.
40. — D’er marü é ma bet condânet,
Ha dré er bourreàü dibennet.
41. — Péh un anquin, péh ur glahar
Pe ridas é hoaid ar en doar,
42. — Ke ne laré ol Nanedis :
Péhed oé lahein er marquiz !
43. — Ouilet, ouilet, ol Bretonet,
Rac ur mestr mat e houès colet,
44. — Rac ur mestr mate houès collet ;
Hânni el d’ou ne gavehèt.
45. — Ha hui, tud peur, tud hemb dânné,
Ged er réral ouilet ehué,
46. — Ged er réral ouilet ehué,
Rac d’er marquiz sur hou pou qué,
47. — Rac d’er marquiz sur hou pou qué :
Ne zousei mui hou peuranté.
Traitour, ah !
Malloh d’id !
Malloh d’id !
Traitour, ah !
Malloh d’id, ta !
|
