Me ’oar e chomit noz ha deiz

Oberennoù damheñvel pe handelvoù all zo ivez, gwelout Me oar e chomet noz ha de.

Kantigou brezonek eskopti Sant-Brieg ha Landreger

A. Prud’homme, 1934  (p. 88-89)

N° LXXIII. — Pedenn d’an Ael-mat.

Diskan

Me oar e chomit deiz ha noz,
D’am heul ’vit rei d’in ho pennoz
Penaos ’teufen d’hoc’h ankounaat,
Ma gwella mignon, ma Ael-mat ?


1. Roit d’am divrec’h pa labouran
   Nerz d’ober ar pez a dlean,
   Ma c’hallin gounit ma buhe(z),
   Keit ha ma plijo gant Doue.
   
   
2. Ganin er park p’en em gavit,
   Pep pec’hed ouzin a harzit :
   Grit d’am zeod em genou tevel
   Enep d’ar Feiz, d’an Aviel.
   
   
3. Ni holl er gêr, tud hag Aeled
   Evel er Baradoz mesket,
   Grit ma vevimp er garante(z),
   Nesa, kerent ha bugale.
   
   
4. War ma daoulin, gant ma Fater
   Dirak Kroaz Jezuz, ma Salver,
   Pedit ganin, ’ us d’am spered
   Ganeoc’h hoc’h eskell astennet.
   
   
5. Hoc’h eskell warnoun astennet
   Da guzat ouzin traou ar bed :
   Mougit ennoun trouz an douar
   Ma vo ma sonj gant ma lavar,
   
   
6. Aet an heol diwar ar bale,
   Deut neuze ganin da vale,
   Rak an diaoul hag e vevelien
   ’zo gwasoc’h en denvalijenn.
   
   
7. Em gwele, pa vin o vervel,
   O, deut ’vel gwechall em c’havell,
   Rak ganeoc’h e fell d’in nijal
   Prim eus ar bed-man d’ar bed all.
   
   
8. Betek an Nenv c’houi am hencho,
   Betek Jezuz c’houi am reno,
   Hag e teskot d’in kana ge
   Ar soniou a blij da Zoue.
   

---