1. Néket ’n hou ti, tavarnouréz,
Em es mé choéjet me mestréz.
2. M’em es hi choéjet tostoh d’ein :
Ur plah koant é, plijout hra d’ein.
3. M’hé har, ha hi sur ne houi ket :
En dra-zé hra poén d’em spered.
4. Mechal penaus vehé d’ein mé
Diskoein dehi me haranté ?
5. M’hé guél erhoalh ér pardonieu
Ha d’en noz barh er filajeu ;
6. A pe za d’ein gout hé guélein,
Me doui penaus hum zizolein.
7. Allas ! p’hé guélan é tostat,
Me bleg me fen ha, me huanad !…
8. Ardro kuh hiaul é ha bamdé,
Get hé seud de fetan Vaudé ;
9. En dé-ral me lak ém spered
Monet d’ino eit hé guélet.
10. M’azé ar vordig er fetan,
Get perdi bras ém heh inéan.
11. En dé zé oen chonjet erhat
Disklériein net me halonad !
12. Mes a p’hé spian é tonet
Forh fonnus é han de guhet !
13. De guhet é han forh fonnus
Haval doh ur hadig eunus !
14. Ha tuchant, skanùik hé guélan
É ivet deur ag er fetan.
15. Ha hé loñned p’hé des deureit,
Ar hé goar d’er gér é ma oeit ;
16. Nezen, él ur heh eulanig,
Me hra en dro d’er fetanig.
17. Aveit asé en hi guélet
Ahoel esked men dous karet…[1]
