|
Sælaouit, Christenien,
Ha paour ha pinvidic,
Dreist oll, c’hui mezieuryen,
Clevit mad va C'hantic ;
Oud an oll e general,
Ouzoc’h-hu ispicial
E comzan, ô mezyeur,
Da zesqui deoc’h detesti
Dreist pep drouc ar Vezventi
Sourcen à vil malheur.
Tra iffam, tra udur,
Viç excumunuguet,
Dizenor an natur,
Mezventi milliguet,
Ne deus hano na langach
A exprime da ravach ;
Caos oud da vil mallos,
Caos da vil c’holl ; coll danves,
Coll an enor, ar vues,
Ha coll ar barados.
Allas ! ya, va breur,
Oc’h heul ar vezventi,
(E doui a helleur)
D’ar bas e zaï ho ty.
Ho tud coz o doa danves
Leve, commerç, tyegues ;
C’hui souden reusudic,
Oc'h oll danvez foranet,
A ranco clasq ho pouet
Evel ar map prodic.
Evel ur bouill-moguet
A ya gant an avel,
Pe sounch un den cousquet
N’er gued qued da sevel ;
Gant ur mezyer demêmès
E tismant e diegues
Quasi en ur momet ;
Teusi oll a ra ganta,
Pa istimeur nebeuta
E dy so goulloet.
D’am zy à zaou valheur
Ma ranquen choas unan,
Tan goall, pe ur mezyeur
Me choasse quent an tan :
An tan goall en devoro,
Ha te, mezyeur, en debro ;
Mein, ludu, fount va zy
Varlec’h an tan a gaveur ;
Var da lerc’h te trezenneur,
A veac’h e choum al ly.
Daou zervez goud’an tan
En deus great va ruïn,
Ha me siouas ! paour-glan,
Me gousco dichagrin.
Ur mezyer endra bado,
A raï chagrin din ato :
Aneval diræsoun,
Lounca’raï va oll danvez ;
Va goal-dreti didruez,
Ha ranna va c’haloun.
Pebez croas, va Doue,
Eo sord grec ur mezyeur !
Tud queiz, e vugale,
C’hui so trist ho malheur !
Caer oc’h eus poanya, espern,
Suna’ra mel oc’h esquern,
Gant ho coad eo ruzyet
Ar guin a ev ar gourmant ;
Ho substanç antièrament
So gantâ devoret.
Nebeut eo coll danve,
Preciussoc’h tensor
A golleur choas ive,
Me goms eus an enor ;
Allas ! m’ar douc’h ur mezyeur,
D’eus ac’hanoc’h pa gomseur ;
Paour queas, great eo ho trô.
N’ouc’h nemet un divezet
Gant peb-unan dispriset,
Mez, fablen, c’hoars ar vrô.
Pèbez direolamant
E touez Christenyen !
Heaul eus ar firmamant,
Cuzit ho sclerigen ;
Ouzoc’h e comzan, merc’hed,
Mez a meus o lavaret
Ur vaoues mezyeres,
Mezyeres ! ô vileni !
Piou a gredte’ve hini,
Ma n’er guellet bemdez ?
Gueichal-goz hon Tadou
Tud experimantet
Dioud ar pronosticou,
O deus e lavaret ;
Bez’eus tri zra, emezo,
Da zisfizyout anezo
Techet bras da voal fin ;
Heaul a zavo re vintin
Merc’h a vouezo al latin ;
Grec a garo ar guin.
Bezit den à squiant,
Huel à galité ;
O ped pep seurt talant
Pep seurt habilite ;
Bezit goas, bezit maoues,
M’ar d’ouc’h mezyeur, mezyeures
Adieu d’oc’h hano mad ;
Ho talanchou zo collet,
Ho sclerigen eclypset,
Düet oc’h oll eclat.
Ur mad all precius
Ar yec’het ar vue,
Dre ho tebauch mezus
A berisso ive.
Penaos herzel o vezvi ?
Hirio leun bete crevi,
Ar rest eus ar sizun
Hep mui esquen da veva,
Distrounquet, beac’h treïna,
Rancout glaouri o yun.
A bed goall accidant
A bed barrad clènvent,
Continuellamant
Dre ar guin arrüet ?
Darn a zo beuzet mezo,
Darn en hent cavet maro,
Sclacet gant ar riou ;
Darn all o gouzouc torret,
Darn gant all lamou brevet,
Massacret à daolyou.
Ne de quet heb rèsoun
E lavar ar Scritur,
E za da anaoun
Abars poent an natur,
Cals a dud unicamant
Dre o mesventi gourmant ;
Allas ! pa ve à zir
Pe à ziamant calet,
Ur c’horf evelse tretet
N’ouffe quet padout hir.
Goude tout coll danvez
A zo ur c’holl dister ;
An enor, ar vuez
Zo traou à ver-amzer ;
Ar c’holl bras, o va Doué,
Eo ar c'holl eus an ene,
Malheur ar malheuriou,
Chètu couscoude certen
An effet, hac an termen
Eus ar mezventiou.
Penaos biquen-jamès
En-em saveteï ?
Dre natur eo mêmès
Pec’het marvel mezvi.
Ha veac’h divlam à hent-all,
Defot ebet, na tech fall ;
Quen viç nemet mezvi ;
Ar vezventi e unan
O taolo e creis an tan
Da viquen da zevi.
Mès ar viç-mâ fatal,
Ouc’h pen ma zeo pec'het
Zo ur viç capital
Gant cant viç all heulyet ;
lmpiete, goal langach,
Laëronci, libertinach,
N’eus netra quen indin,
N’eus torfet quen detestabl
Ne deo anezan capabl
Ur mezyer dre ar guin.
En andret e Zoue
Difeis, ha direspet,
A veac’h Vajeste
E rent dever ebet.
Tatineur ar mysteriou,
Profanateur ar Sulyou
E goff eo e Zoue.
An davarn eo e Ilis,
Ar guin eo e sacrifiç,
E beden cant sacre.
En andret e nessa
Leun â fallagriez,
O prena, o verza.
E ra cant tromplerez.
Artisan, eo affronter,
Den à bluen, faossounyer,
Servicher, ho laëro,
Tad eo, tad cruel meurbet,
Pried, muntreur e bried,
Culator, ho tebro.
Brassa drouc a ouffe
Beza great d’an nessa
Eo daouni e ene
Ous e scandaliza.
O, siouas ! da bed hini
Eo quiriec d’en-em zaoni
Ur mezyer malheurus !
D’e dud, d’e amezeyen,
Consortet, tavarneuryen,
D’an oll eo scandalus.
C'hoas ennâ e unan,
En e oll squianchou,
Un trezenneur foran
Ne deo nemet viçou :
Speret revolt, ourgouillus ;
Teaud fall, humor-colerus,
Penn calet, heritic,
Fallacr en e zesirou,
Bavart en e ziscoursou,
Corf ha speret lubric.
C’hoas ma ve esperanç
D’e velet o furat ;
Ma teuffe temperanç
Dezan gant an oad :
Hoguen ar c’hountroll, siouas !
O cossaat e teu goass ;
Evel un den tropic,
Dre ma c’halter da eva,
Nemet alteri ne ra
Mui-oc’h-mui e […]ic.
Ne de quet na hellit
Amanti ho püez ;
Evit cheinch ne vanquit
Nemet à volontez ;
Evit parea ho clènvet
N’eus affer à guen remed
Nemet ebquen unan ;
Trouc’hit d’an drouc e c’hrizyen,
D’ar guin renoncit à gren ;
Pare ouc’h quer buan.
Allas ! an disparti
A vezo sur poanyus ;
Sur e coust coumbati
Oud un tech vicius ;
Mès m’ar deo rust ar goumbat,
Un dra ret eo, soungit mat.
Eus à zaou dra unan,
Ar Barados mar trec’hit,
Pe an ifern mar cedit,
Pe ar victor, pe an tan.
Alon, alon, va breur,
Courach d’en-em recour,
Suppliit gant ferveur
An Autrou d’ho sicour ;
Gant feiz hac humilite
Pedit Mari Mam Doue ;
Daou dra, pidi, tec’het ;
Pidi fervant an Autrou,
Tec’het diouc’h dangerou,
Grit-en hac ouc’h salvet.
O ! va Doue, poent eo,
Me renonç d’am malheur ;
M’er promet deoc’h hyrio
Ne vezin raui mezyeur.
Va soutenit, va Salver,
Ma vezin fidel d’am guer.
Eleac’h va debauchou,
Me raï pinigen galet ;
Me souffro naoun ha sec’het,
Sicour din, ô Autrou.
|
