Oraison santès Barba

Fañch an Uhel

Soniou Breiz-Izel

Emile Bouillon, 1890  (Levrenn II, p. 336)

ORAISON SANTÈS BARBA

____

   Santès barba, c’hui pehini
Oc’h eus ann heur da bossedi

Curunenn doubl, er barados,
Evel gwerc’hès ha merzerès,

Plijet ganeoc’h, me ho suppli,
En peb leac’h hon preservi,

Hon zud, hon loened, hon mado,
Ouz ann tân hac ar c’huruno :

Roët ar c’hracz d’in ’raoc merwel,
D’ober covesion mad ha santel,

Ma c’hallinn recev humblamant
Corf ma Jezus, er sacramant,

Ma efomb hol d’ar barados,
Da veuli Doue da jamès.

Barba Tassel. Plouaret. 1885

____________