Pajenn:Anna Vezmeur - Istor Breiz, 1893.djvu/280

Gwiriekaet eo bet ar bajenn-mañ
— 279 —

Var dro an amzer-ze oa kavet ar mod da ober ar poultr ; araok, ar zoudardet n’ho doa ket a fuziliou, nemet goaf, kleze, hag armou euz ar sort-ze, evit ar gombat.




C’HUEZEGVED NOSVEZ
————


En ho ty pedaz Olivier Klisson
vit dont a benn euz ar Saozon ;
Enn ho ty pedaz Beaumaner
Ha Charles Bleiz an dug ker ;
Ar potr stard Bertrand Duguesclin
Bedaz ive e Josselin.
An Scour.


Mac’harit, merc’h Klisson, a zeuaz eur veich da gaout he zad, hag a lavaraz dezan : Pa eo bet ker sod an dug da lakaat he vugale etre ho taouarn, æz e deoc’h laza an dug bihan ha lakaat va re en he blaç ; va bugale zo bugale vihan da Charlez Bleiz, hag int bugale koant.

Klisson, o klevout he verc’h o komz evellen, a reaz diou pe teir gueich sin ar groaz, evel ma vije bet an diaoul dirazan. Tec’h kuit, emezan, gant eur voez ker kree ma spountaz Mac’harit, terri a reaz he gar o tisken re vuhan an diri.