Kadarnaet eo bet ar bajenn-mañ
— 25 —
gouent-ze, araog an oferen seiz eur. N’eo ket breman ouspen pemp eur !
ALAN
D’ar gouent ? (da Vona) Malloz ru !… Oh ! va digarezit, mez mil diaoul ! c’hoant oc’h euz da vond d’eur gouënt ?
MONA
Ia. aotrou kont ! N’am euz mui a diegez ! Ar re a stage va c’halon ouz an douar-man, a zo maro ha na zistroïnt ken, hag el leac’h am euz choazet, e kavin a nevez ar peoc’h hag an evurusted.
ALAN (tenvaleat)
Ia… just eo, sûr awalc’h !
MONA
Lom, e peleac’h e tle ar wetur dond evid va c’hemeret ?
LOM
Aman, itron markisez !
MONA
Mad eo ! Va gelver a ri n’eo ket ’ta ! (da Alan) Aotrou, ho pet ar vadelez da reseo va c’himiad.
