Adlennet eo bet ar bajenn-mañ
— 14 —
Lan
Set’ aze, avat, eur stantilhon hag a zo brao her c’haout da vab-kaer. — Che ! ha lavaret e kaver merc’hed skuiz awalc’h en o lostennou da gemer lorgnez evelse da briejou !… Mantrus eo evelato !
————
V DIVIZ
PER, BIEL, LAN, MARTIN PENNAZEN
Martin (a denne e dog. Saludi a ra an holl en eur stoui e benn)
Demat d’eoc’h holl !
Per
Ha d’eoc’h, aotrou. — Deuit d’ar penn uhela, mar plich !
Martin (e dog en e zourn)
Gouzout a rit, aotrou Rimeur, emaoun tri bloaz zo oc’h ober skol en ho parrez, ha gouzout a rit ive ez oun eus eur familh tud vat, tiekourien eveldoc’h, du-hont, er Fouilhez.
Per
Ya, aotrou. Ha goude ?
Martin
Daou vloaz a zo ec’h evesaan piz ouz ho merc’h Agnez, ha ne nac’han ket, he c’haret a ran a greiz va c’halon abaoe m’he anavezan mat.
Per
Hag oc’h eus lakaet en ho spered dont d’he goulenn ?
