Adlennet eo bet ar bajenn-mañ
— 98 —
LIONNEL, da Hubert a ya er-meaz.
Ac’hanta ! Ha me ?… O ! tad dic’his ! ne ro ket eur pok d’in zoken ! (Ober a ra ardou.) Ma !
HUBERT, o tizrei.
Marmouz ! (Pokat a ra d’ezan.) Alo, labour mad.
LIONNEL, o vont d’e heul.
Ya, va zad ! ya va zad ! (Hubert a ya dre an tu deou.)
EIL DIVIZ
LIONNEL, ARZUR.
LIONNEL, o teurel e leur war an daol.
Ya, mac’had sûr e studiin !… Dal !…
ARZUR
Nag eürus out, Lionnel ! Na te zo karet gant da dad !
LIONNEL
O ! me e gar kals ive !… N’eo ket souez ! Ober a ra kement am be c’hoant.
ARZUR
Me ne don karet gant den abaoue m’eo maro va mamm…
LIONNEL
Mar deo gwir !… ha, me neuze ?…
