Adlennet eo bet ar bajenn-mañ
— 101 —
ARZUR
N’em eus ket e welet abaoue !…
LIONNEL
A ! trubard koz milliget !… gwerzet en devezo ar groaz d’eur yuzeo bennak sur awalc’h evit kaout arc’hant… Ha koulskoude, nan ; kement-se ne c’hell ket beza. Eat e vezo kentoc’h d’he c’has da Filip-Aogust… hag ar c’hannaded-se a gomze va zad anezo…
ARZUR
O ! ma vije gwir !…
LIONNEL
Peoc’h ! peoc’h ! setu va zad o tizrei… Poent eo d’in mont da zeski va c’hentel !…
- (Mont a ra a gleiz, penn pella.)
TREDE DIVIZ
ARZUR, HUBERT
ARZUR
Ac’hanta, Hubert, piou a yoa o c’houlen digor ?
HUBERT, o tiskoues ar groaz.
Prinz, hag anaout a rit-hu ar groaz-ma ?
ARZUR
O va Doue !… Va c’hroaz eo !…
