Adlennet eo bet ar bajenn-mañ
— 104 —
me a zo gwaz me ! me a c’hell dougen beac’hiou ponner a anken… e leac’h c’houi, bugel kez !…
O ! ra zeuio dizale hoc’h eontr da zevel divarnon an
henor d’ho miret, ha ra vezo roet va frankiz d’in ar
c’henta gwella ! Va dever a zo hirio re denn !
PEVARE DIVIZ
HUBERT, ARZUR, LIONNEL.
(Lionnel a deu dre gleiz penn pella, o kuzat eur goulm.)
LIONNEL
Bez’ ez eus en traon, va zad, eun den koz hag a choanta koms ouzoc’h ; Lelio, emeza, eo e hano.
HUBERT
A ! Lelio, ar Zorser !… Mad eo !
LIONNEL
Eur zorser !… Ya avad, evit an dra-ze e tlefen beza e gemeret p’am eus gwelet e zilhad.
HUBERT
Mont a ran va-unan d’e gerc’hat.
- (Mont a ra er-meaz dre gleiz, penn pella.)
