Adlennet eo bet ar bajenn-mañ
— 105 —
PEMPET DIVIZ
ARZUR, LIONNEL.
ARZUR, d’ar bobl.
Gwerzet gant ar re am boa ar muia fizianz enno !
LIONNEL
Arzur, sell petra a zigasan d’it !
ARZUR
Eur goulm !… O ! nag hi zo koant !… Sell’ta pegen aonik eo !
LIONNEL
Koant eo, n’e ket ’ta ? Mad, gwell a ze mar plij d’it, rak evidout eo em eus he frenet.
ARZUR
Gwir ?
LIONNEL
Ya, he frenet em eus gant eur c’houeriad hag a lavare beza a Vreiz.
ARZUR
Eur Breizad ?
LIONNEL
Gant enn ear dic’his e lavare d’in en e yez e c’helfe kement-se ober diduamant d’eur prizounier bennak. Neuze em eus sonjet ennout, hag em eus lavaret d’in va-unan : Va muia karet Arzur n’en deus nemedon evit mignon… hogen, ne vezan ket atao en e gichen ; ha neuze,
