Adlennet eo bet ar bajenn-mañ
— 128 —
traou da eva anavezet ganez, sur a-walc’h… hag a zo ar maro ouz o heul ; nan eur maro trum, hogen eur maro dre irnez, eur maro trubard, na lez arouez ebet war e lerc’h, hag a sklas an eil gond’ eben holl eienennou ar vuez.
AR BARZ, d’an dud.
Va Doue ! va Doue !
YANN
Eur c’hontam evel-se eo a c’houlennan diganez ; entent a rez ac’hanon.
AR BARZ
Araok lavaret na ya, na nan, d’it, Yann-Dileve, kemer ar paper-parch-ma ; da donkadur, da blaneden hag hini Arzur a zo skrivet warnan gant va breur e-unan.
YANN
Gwelomp ’ta.
AR BARZ
Ar poezon a c’hellan da rei d’it ; hogen, evit piou eo ?
YANN
Da afer eo ?
AR BARZ
Setu ma’z eus unan eus krouadurien an aotrou Doue hag a vezo ar pez ma vezi da-unan.
YANN
Arzur ?
