Adlennet eo bet ar bajenn-mañ
— 133 —
ARZUR, o kregi e daouarn ar barz.
Va mignon feal ha kalonek ! Pebeus karantez !
AR BARZ
Dont a ran d’ho tenna a brizon… Brema ’z eus pemzek deiz ne ouien ket c’hoaz e pe leac’h edoc’h… hogen ho kroaz kouezet etre daouarn ar c’hont Keroman he deus desket d’in.
ARZUR
Penaos ?… ar groaz-se ?…
AR BARZ
Ar groaz-se roet ganen d’ar gouarnour a zigoras d’in doriou ar c’hastell-ma. Diwezatoc’h me a lavaro d’eoc’h penaos on deuet a benn eus ar roue Yann… Abenn eur pennadig ez ay ac’halen, ha Filip-Aogust a deuio betek ennoc’h.
ARZUR
Hag eo d’it e vezin dleour eus va eûrusted ?
AR BARZ
Ember c’houi a vezo dug a Vreiz-Izel ha roue a Vro-Zaoz.
ARZUR
Er frankiz, dishual, ember ? O ! rei a rafen va rouantelez evit eun heur a frankiz !
AR BARZ
Peoc’h !