Adlennet eo bet ar bajenn-mañ
— 137 —
HUBERT
… Buez va mab !
ARZUR
Kement-se na vezo ket ! Ha pebeus merzerenti, va Doue ! Eun houarn rus !… Va daoulagad paour o deus atao sellet ouzoc’h gant madelez hag o vousc’harzin ! Eun houarn rus !… Ya, mad me’n em zifenno… A ! reuzeudik ma ’z on ! n’em eus ket an disterra pez arm… n’em eus ket zoken eur penn-baz, evel kouerien va Breiz ! C’houi am lazo neuze, rak me’n em zifenno betek ar maro…
HUBERT
Prinz !
ARZUR
Lezit, lezit ac’hanon ! koll ar gweled ! petra ’zo poaniusoc’h ?
Hubert, en hano ho mab, mezus eo ! na
lakot ket eun hevelep torfed war ho skoaz !
NAONTEKVET DIVIZ
HUBERT, ARZUR, LIONNEL
LIONNEL
Truez outan, va zad !…
| A-gevred | hubert. — Va mab ! arzur. — Lionnel ! |
HUBERT
Kea, paotr, kea pell diouzin !…
