Adlennet eo bet ar bajenn-mañ
— 139 —
ARZUR
A-walc’h, Lionnel ! bugel kez ! ne fell ket d’in en em golfes ganen… D’in-me eo da vervel.
LIONNEL
Nan, d’in-me eo !
ARZUR
Hubert, ho mab a vevo ; en em rezolvet on.
LIONNEL
Arzur, ne fell ket d’in tamm ebet ! Ha c’houi, va zad, p’eo gwir eo kalet ho kalon evel ar mean, me a lavar d’eoc’h ar wirionez : ma rit eur gammed evit mont kwit, gwaz a ze ! me ’n em daolo er-meaz dre ar prenestr-ma.
HUBERT, ARZUR
A !
ARZUR, o kregi e Lionnel.
D’am zro, Lionnel, me na fell ket d’in.
LIONNEL, oc’h en em jacha.
Lez ac’hanon ! Lez ac’hanon !
HUBERT
O ! n’on mui evit padout ! re eo kement-ma !
LIONNEL
A ! va zad, c’houi a zaveteo e vuez da Arzur !
HUBERT
Petra da ober ?
