Adlennet eo bet ar bajenn-mañ
— 146 —
ANDOCH
Ne reomp mui brezel nemet d’ar pesked. N’eo ket ken risklus !
ALAR
Ac’hanta ! gouzout a rez ez’oa digaset deac’h eur prizonier d’an tour koz ?
ANDOCH
Ya. Eur bugel eo, a leverer. Petra c’heller beza great d’an oad-se evit dellezout beza taolet en eun toull tenvall eve!-se ?
ALAR
Ar roue Yann na zell ket ken tost-se.
ANDOCH
A ! reuzeudig, ro peoc’h, rak gouzout a rez o deus ar mogeriou diskouarn a-wechou ; ma vijes klevet !
ALAR
E vijen krouget ! mad eo beza war evez !
ANDOCH
Ma kanfemp eun tammig ! An dra-ze, marvad, a rafe plijadur d’ar prizonier a zo aze. Ne die ket beza eat da gousket c’hoaz. Daoust hag-en e c’heller kousket er prizon ?
ALAR
Eun horden golo evit gwele !
ANDOCH
Alo, kân ganen ; dres, setu ar re-all o tont.
- (Mont a reont eun tammig warzu ar penn pella)
